Nangapaslot ang panit sa 21 anyos nga ulitawo nga si Ruben Calibugar, taga Sityo Camarin, Barangay Vito, lungsod sa Minglanilla, Cebu.
Si Calibugar nga nanglimpyo sa atop sa edipisyo diin siya nagtrabaho niadtong Lunes, Agusto 15 sa Barangay Poblacion, Ward 4, Minglanilla.
Si Police Senior Master Sgt. Junel Ater sa Minglanilla Police Station nagkanayon nga samtang nagkalingaw og limpyo sa atop si Calibugar ug nibalhin sa taas nga bahin, kalit kining nikirig.
Nasuta nga ang secondary hot wire nasaghid sa atop hinungdan nga nakuryentihan ang biktima dihang nakahikap sa primary hot wire.
Ang biktima nga nakaangkon og first degree burns sa tibuok kalawasan. Siya padayong giobserbahan sa mga doktor sa Minglanilla District Hospital. (GPL, hulagway hinatag sa Minglanilla Police Station)