Ang sunodsunod nga pagkamatay sa mga Pinoy legend nga silang Cherie Gil ug Lydia de Vega ug Hollywood pop sensation Olivia Newton John nagpasabot lang nga bisan sa ka-high-tech sa panahon wa pa gyuy tambal ang sakit nga cancer. Tan-awa ang mga iconic star sa Philippine cinema nga sayo gipukan sa maong misteryusong balatian.
MARK GIL, 52 ANYOS
Si Raphael John Gil Eigenmann sa tinuod nga kinabuhi na-diagnosed sa liver cancer niadtong 2012 ug namatay Sept. 1, 2014. Ang iyang manghod nga si Cherie Gil namatay sa cancer sa edad nga 59. Ang ilang mga ginikanan buhi pa ug himsog sa edad nga 80.
FRANCIS MAGALONA, 44
Ang King of Pinoy Rap na-diagnosed og leukemia August 8, 2008. Gawas sa chemo, ipaubos pa unta si Francis sa bone marrow transplantation apan wa na kasugakod ang lawas sa master rapper nga namatay sa multi-organ failure March 6, 2009.
CHAT SILAYAN, 46
Duha ka tuig human na-diagnosed sa colon cancer, ang beauty queen-actress nipanaw Abril 23, 2006 sa St. Luke’s Medical Center. Si Chat nidaug sa Binibining Pilipinas Universe 1980 ug Third Runner-up sa Miss Universe 1980.
GEORGE ESTREGAN, 49
Si Jesus Jorge Marcelo Ejercito o mas sikat sa stage name nga George Estregan namatay Agusto 8, 1988, walo ka buwan gikan na-diagnosed sa bone cancer. Si Estregan naila nga kontrabida ug “penetration king” sa erotic movies.
LIEZL MARTINEZ, 47
Unang na-diagnosed ang kanhi child star sa breast cancer niadtong 2008. Naka-recover pa ang aktres apan pag-2011 subli ning gibalikan ug stage 4 na nga nikamang sa iyang baga. Namatay si Liezl, Marso 14, 2015.
JOHNNY DELGADO, 61
Natawo nga Juan Marasigan Feleo, February 29, 1948 sa Manila, si Johnny Delgado unang na-diagnosed pag-2008 ug namatay sa lymphoma cancer November 19, 2009. Lakip sa iyang acting awards ang Best Actor sa 2000 film, “Tanging Yaman.”
RUDY FERNANDEZ, 56
Gikumpirmar ni Lorna Tolentino nga periampullary cancer ang sakit sa iyang bana sa TV show nga “Startalk” tuig 2007. Namatay si Rudy sa ilang balay June 7, 2008, unom ka adlaw human sa ilang 25th wedding anniversary.
BABALU, 56
Si Pablo Martin Sarmiento sa tinuod nga kinabuhi namatay sa liver cancer Agusto 28, 1998 duha ka buwan human sa iyang 56th birthday. Katapusang mga pelikula ni Babalu ang “Tataynic” (Dolphy) ug “Tong Tatlong Tatay Kong Pakitong-kitong” (with Redford White).
REDFORD WHITE, 54
Si Cipriano M. Cermeño II sa tinuod nga kinabuhi namatay sa lung ug brain cancer Hulyo 25, 2010, lima ka buwan gikan siya na-diagnosed. Si Redford White nisikat sa Iskul Bukol TV sitcom ug nidaug nga Best Comedy Actor sa RPN-9’s Buddy en Sol sitcom.
RIO DIAZ, 45
Ang actress-host nitaliwan October 2004 sa colon cancer unom ka tuig gikan siya na-diagnosed. Sama sa iyang sister nga si Miss Universe 1969 Gloria Diaz, usa usab ka beauty queen si Rio isip 1977 Mutya ng Pilipinas ug fourth runner-up sa Miss Asia pageant.
HELEN VELA, 45
Ang aktres ug radio-TV personality namatay sa lymphoma niadtong February 14, 1992 sa usa ka ospital sa Amerika. Nisikat si Helen sa iyang TV show nga “Lovingly Yours, Helen” sa GMA.