Dear Noy Kulas,

Maayong adlaw kanimo ug sa imong readers. I-hide lang ko sa name nga Bogs.

Naa pa ko sa college but 28 years old pa ko kay working student ko since high school. Kining akong problema nagsugod ni dihang nag pandemic ta. Natural, nawagtangan ko og work so naglisod na ko og support nako. Akong gisultihan ang akong usa ka professor pinaagi sa PM sa situation nako. Ni offer siya nako og help. Gipaadto ko sa ilang balay but at first, nauwaw ko.

Siya ra diay usa sa ilaha kay ang iyang bana naa na sa abroad. Tagsa na lang kaayo nag-ulian kay nagduda siya nga naay laing pamilya kay wa silay anak. Mao to manglimpyo ko sa ilang balay, atiman sa garden kay kahibawo man ko ani. Hangtod nagkasuod mi ni Maam. Iya kong gisultihan sa iyang problems pud.

Dihay ka usa, iya kong gisugo og massage ug didto, nakaklaro ko sa kanindot sa iyang curves ug iyang ka white. No inhibition kay mag two-piece ra siya unya manabon ra og towel. Nya unsaon ni karon, na in love na ko ni Maam. Di na ko hapit makatulog maghuna-huna niya. Samot na kay pinangga kaayo ko niya. Okay ra kaha kon manguyab ko niya? Sugton kaha ko niya or masuko siya? Ang iyang gibuhat sa akong tan-aw kay temptation. Sakto kaha ko?

BOGS

Bogs,

Ayaw na lang pagtabok sa taytayan kay bisan pag gitintal ka niya o wa, naa siyay bana nga maningil kon masakpan mo. Bisan tuod toa sa abroad nang bana niya, sayon ra kaayo siyang makapanugo og tawo dinhi kon gusto mong panid-an ug kaha, dunay mopasakit nimo kon iyang mahibaw-an.

Unsa may ilang problema sa kaminyuon, let them fix it. Ayaw pagsulod no matter what kay kuyaw kon makisawsaw ka.

Basin sab gisuwayan lang ka sa imong maestra kon kasaligan ka ba o di. Busa, ayaw pagpadala sa imong gibati kay basin di na hinuon maayo ang imong padulngan. Tiwasa ang imong eskwela kay mas importante na kay sa mga kurba ni Maam.

NOY KULAS

rojval69@yahoo.com