8 ka kompaniya di mopatuman sa wage increase

(Hulagway gikan sa Pixabay)
(Hulagway gikan sa Pixabay)

Ang Regional Tripartite Wages and Productivity Board (RTWPB-7) nakadawat og siyam ka aplikasyon nga dili mopatuman sa P31 sa daily minimum wage increase, apan usa nisibog, atol sa kataposang adlaw sa tagal niini niadtong Biyernes, Agusto 12, 2022.

Si Atty. Evita Mendoza-Balane, officer-in-charge (OIC) board secretary, nagkanayon nga mayoriya sa siyam ka mga kompaniya nagbase sa Sugbo. Usa ang nisibog human nasuta nga tanan sa ilang kawani gikan sa rank and file ngadto sa labing taas nga posisyon nagdawatan lang og minimum nga P404 matag adlaw, sumala ni Balane.

Sa wa pa ang P31 nga wage increase, ang minimum wage sa rehiyon naa sa P351 ngadto sa P404. Base sa Wage Order No. ROVII-23, ang range mahimong P382 ngadto sa P435, depende sa industriya.

Ug karong Agusto 24, ang RTWPB-7 nga pinangulohan ni OIC Regional Director Lilia Estillore sa Department of Labor and Employment (Dole) mopatawag og tigom para ilang masugdan og tuki ang application for exemption sa walo ka mga kompaniya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph