Kagaw sa hugaw sa tawo nakita

Kagaw sa hugaw sa tawo nakita

Subli nga ipasusi ni Cordova Mayor Cesar Suan sa ikatulong higayon ang kadagatan sa lungsod nga duol sa floating cottages aron hingpit nga masuta ang presensiya sa fecal coliform bacteria, ang kagaw gikan sa hugaw sa tawo.

Kini maoy gianunsiyo sa mayor atol sa gipahigayon nga panagtigom sa tanang stakeholders kagahapon, Agusto 17, 2022.

Si Suan nibutyag nga nadawat na nila ang ikaduhang resulta sa water test sa Environmental Management Bureau Region 7 (EMB-7) ug nakita ang fecal coliform nga anaa na sa 2,400 most probable number (MPN) per 100 milliliters.

Mas taas pa sa unang water test result nga anaa lang sa 1,300 MPN hinungdan nga gihangyo ni Suan ang EMB-7 sa subling water testing.

Kahinumdoman, naundang ang operasyon sa floating cottages sa maong lungsod diin gisundan sa giluwatang executive order (EO) ni Cebu Governor Gwendolyn Garcia aron masusi pag-ayo ang kadagatan sa dapit.

Gikatakda nga ugma, Agusto 19, 2022, makuha ang resulta sa ikatulong water testing.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph