Ang Department of Labor and Employment (Dole) 7 niawhag sa publiko nga dili magpailad sa mga post sa ubang social media accounts nga nag-ingong nag-hire og mga trabahante gamit sa ilang official logo.
Nakita sa social media posting ang mga nangita og trabaho kinahanglan nga mo-post sa ilang personal information ug ubang credentials may labot sa giingong hiring sa interns ilawom sa Government Internship Program (GIP) sa DOLE.
“This is not the way how we do hiring of GIPs. We do not share and amplify for the world to see the personal information of the applicants in adherence to Republic Act No. 10173, otherwise known as the Data Privacy Act,” matod ni Dole 7 OIC-Regional Director, Lilia A. Estillore.
Ang GIP parte sa KABATAAN:2000 nga naghatag og oportunidad sa mga benepisyaryo nga makaserbisyo sa publiko pinaagi sa mga ahensiya sa gobiyerno sa national o local.
Ang interns o beneficiaries makadawat og suhol gikan sa unang adlaw hangtod sa katapusang adlaw sa ilang pagtrabaho nga molungtad og tulo ngadto sa unom ka buwan.
“The Regional Director cautioned the public especially the jobseekers to be wary and stay vigilant as scammers and any sorts of unscrupulous individuals are becoming prevalent nowadays, who use various social media sites such as the famous Facebook to advance their ulterior motives,” tipik sa statement sa DOLE-7.
Ang pangulo sa DOLE-7 niawhag ngadto sa mga aplikante pagduaw sa Public Employment Service Office (Peso) nga anaa sa labing duol sa inyong lugar o sa mga field office para magpangutana kabahin sa GIP program.
“We do not promote the sharing of personal information of our program beneficiaries unless we explicitly receive their consent. Otherwise, that is prohibited by law,” dugang ni Estillore.
Ang mga aplikante giawhag sa pag-check sa FB page nga DOLE Region VII ug sa ilang website nga ro7.dole.gov.ph aron sila masayod sa labing uwahi nga mga pahibawo sa departamento.