Gironda sa mga opisyal sa Bureau of Customs sa Huwebes, Agusto 18, 2022, ang usa ka bodega sa San Fernando, Pampanga nga gibutangan og linibong sako sa asukar sa pagduda nga gipang-hoard kini, sumala sa Office of the Press Secretary (OPS).
Ang mga ahente sa Bureau of Customs (BOC) uban sa kapulisan ningsulod sa Lison Building sa Barangay Del Pilar ubos sa mando ni Executive Secretary Victor Rodriguez.
“Armed with a Letter of Authority (LOA) Number 08 15 149 2022 and Mission Order (MO) No. 08 15 2022 519, the Customs personnel immediately seized suspected hoarded of sacks of imported sugar from Thailand neatly stockpiled by the thousands inside the warehouse,” dason sa pamahayag sa OPS.
Samtang, gatosan ka mga sako sa asukar ang nakita sa sulod sa delivery vans sa naasoy nga bodega.
Daghang imported items sama sa sinako nga cornstarch gikan sa China, sinako sa imported flour, plastic products, oil in plastic barrels, motorcycle parts ug mga ligid nga nagkalainlaing brands, helmets, LED televisions sets ug pintal ang nakuha atol sa operasyon.
Ang mga tag-iya sa bodega gihatagan og 15 ka adlaw sa pagpresentar sa gikinahanglang mga dokumento nga mosuporta sa legalidad sa ilang imported items.
“If proven that the Thailand sugar was smuggled, the warehouse owners may face charges of smuggling in relation to the provisions of The Customs Modernization Act (CMTA),” matod sa OPS.
Si Rodriguez nihimo sa maong lakang subay sa direktiba gikan ni Presidente Ferdinand “Bongbong” Marcos Jr. alang sa BOC sa paggamit sa ilang ‘visitorial powers’ sa tanang Customs-bonded warehouses ug pagsusi sa imported agricultural products aron pagsuta kon kini hoarding sa asukar.
“The BOC’s Pampanga sugar warehouse raid may very well serve as a warning to unscrupulous traders who are currently hoarding their stocks of sugar in order to profit from the current artificial sugar shortage situation,” matod ni Rodriguez.
Matod ni Rodriguez, dunay mga taho nga pipila ka negusyante nagduso sa importasyon sa 300,000 metric tons (MT) sa asukar.
Dugang niya, “.. such massive importation of sugar could result in windfall profits for the traders of at least P300 million with a portion of the amount earmarked as lobby money.”
Si Marcos niingon sa sayo pa nga ang kagamhanan nagproseso sa pag-ila unsaon sa asukar sa nasod madala ngadto sa merkado.
Gipakgang ni Marcos ang importasyon sa 300,000 MT sa asukar ug nagkanayon nga ang nasod wala nanginahanglan niini nga kadak-on.
Matod niya nga ang nasod mo-import sa dul-an sa 150,000 MT sa asukar sa Oktubre.
Ang retail price sa asukar sa nasod nisutoy sa P100 matag kilo tungod sa ubos nga supply tungod sa epekto sa bagyong Odette sa mga plantasyon sa tubo sa December 2021. (SunStar Philippines)