Kai miapil na sa Gilas

Nisalmot na sa unang higayon si National Basketball League star Kai Sotto sa practice sa Gilas Pilipinas niadtong Biyernes nga maoy nagtimaan sa iyang pagbalik sa national team program.

Si coach Chot Reyes ni-welcome sa presensiya ni Sotto para sa fourth window sa Fiba World Cup qualifiers human siya niabot sa nasod niadtong Huwebes.

“Today will be his first practice. It’s a feeling of relief kasi finally we’ll get a feel of the whole team,” padayag ni Reyes.

Ang pagbalik ni Sotto maoy iyang labing una nga pagsul-ob niya sa national team uniform sukad siya niduwa sa Olympic qualifiers sa miaging tuig.

Pagsalmot ni Kai gikaluhaan usab sa presensiya ni NBA 6th Man of the year awardee Jordan Clarkson kinsa niabot na usab sa nasod sa niadtong Biyernes sa gabii ug niapil na Gilas practice kagahapon.

Ang mosunod nga mga adlaw, okupado na ang schedule sa Gilas sanglit sunodsunod na ang ilang mga practice sanglit sa Agusto 25 na ang ilang unang duwa batok sa Lebanon.

Apan taliwa sa pag-abot sa duha ka stars sa Gilas, aduna lang gihapoy mga sakop sa national training pool ang wala pa mopatim-aw.

“We’re also missing Carl Tamayo whose with UP, si (Kevin) Quiambao may game sa La Salle so its’ very difficult to say the least,” padayag ni Reyes sa interbyu sa spin.ph.

“At least you know na hindi pa talaga (tayo) nakakabuo ng full practice yet,” dugang ni Reyes.

Ang Gilas Pilipinas mobiya sa nasod paingon sa Lebanon para sa ilang unang duwa sa Fiba World Cup qualifiers.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph