Nahinulong ang mga miyembro sa Gilas Pilipinas kang Fil-Am guard Jordan Clarkson sa unang higayon nilang makita ug makauban ang National Basketball Assocation (NBA) player.

Kasagaran sa miyembro sa Gilas makita lamang si Clarkson sa cable TV o internet sa iyang mga duwa ubos sa Utah Jazz. Karon kay teammate na gyud nila kini sa Gilas.

Ang guard sa NLEX Road Warriors nga si Kevin Alas mipadayag sa iyang pagdayeg kang Clarkson sa unang praktis niini sa Gilas alang sa fourth window sa FIBA World Cup Asian qualifiers.

“Parang pagod pa, pero ang galing pa din,” matod ni Alas sa report sa Spin.ph

“Angat na angat talaga yung talent niya.”

Usa si Alas sa 14 ka players nga anaa sa Meralco gym alang sa praktis sa Gilas Pilipinas. Pili-an pa ang final 12-roster sa Pilipinas nga maoy mosalmot sa fourth window sa FIBA World Cup Asian Qualifers.

Si Clarkson maoy reinforcement sa Pilipinas kauban sa higanteng 7-foot-3 nga si Kai Sotto.

Nakaduwa na si Clarkson sa Gilas Pilipinas niadtong 2018 sa Asian Games.