Tunhay ug hapsay ang pagpahigayon sa unang adlaw sa face-to-face classes sa Sugbo sa Lunes, Agusto 22, 2022.
Kini maoy gipahibawo ni Dr. Salustiano Jimenez, pangu sa Department of Education (DepEd) Region VII.
“Base on assessment, smooth and orderly ang atong pagpahigayon sa first day sa atong face-to-face classes that’s why thank God for that,” matod ni Jimenez.
Gitug-an ni Jimenez nga bisan pa, pipila ka mga kakulian ang nasinati sa mga tunghaan ilabi na nga duha ka tuig nga wala makapahigayon og physical classes sukad sa 2020 tungod sa pandemiya.
Giangkon ni Jimenez nga pipila sa mga nasugatang hagit mao ang kakuwangon sa classrooms, pagka-late sa mga tinun-an ug ang shifting sa schedules sa mga tinun-an aron di magkuwang ang classrooms. Hinuon, dali kini nga gitubag sa mga pangu sa matag tunghaan aron makatungha ang tanang mga tinun-an.
“There are minor issues but na address ra sa level sa school...Mga minor lang for example mga ginikanan ug mga bata madugay og abot, pag bahig sa mga classrooms ang mga bata, usahay naay sa gymnasium ang ilang klase,” matod ni Jimenez. (ANV, hulagway ni Amper Campaña)