Dear Papa Joe,
Tawaga lang ko sa ngan nga Samson, 48 years old. Wa ko nagdahum nga sa akong pag-antos ug gilikayan, adto mahitabo sa akong anak. Usa ra akong anak ug 18 anyos na siya ug lalaki.
Bata pa ni siya, nakabantay na mi nga may pagka bayoti siya pero gibadlong sa mama kay nasayud man iyang mama og unsa ko. Yes, murag naa na sa among dugo kay tiyo sad nako mahuyang. Best friend mi sa akong wife ug gitambagan gyud ko niya nga di mapadayon akong pagka mahuyang.
Nasayud ko nga molutaw siya naturally pero ako gyud ning gisuklan ug hangtud karon lig-on lang gihapon. Pero lahi akong anak kay ladlad na gyud siya. Angay ko ba ni siyang badlungon? Unsa may buhaton ko?
SAMSON
Samson,
Sa imong bahin mahug ka og mestizo mao ma-control nimo. Pero imong anak mahug og purebred nga ug lisod na siguro para niya.
Naay mga butang nga di gyud nato masabot pero atong dawaton. Anak man na nimo ug ikaw mismo nasayud sa struggle, pero ang nakalahi lang di na sila maglisud ron kay dawat na man ug naa say balaud nag protect nila.
Ang imo ra siguro mabuhat ana mao ang pagdawat ug pagpahimagno niya nga di magpalabi o magpada sa gugma. Basin masakitan lang siya. Ang anak magpabiling anak bisan si kinsa man siya.
PAPA JOE
(sa inyong tampo ipadala lang sa papajoesuperb@gmail.com)