Gianunsyo sa Samahang Basketbol ng Pilipinas (SBP) nga si 2018 Miss Universe Catriona Gray maoy usa sa ilang gipili nga mahimong local ambassadors alang sa FIBA Basketball World Cup 2023 diin co-host ang Pilipinas kauban ang Japan ug Indonesia.

Kauban ni Gray ang ubang mga sakop sa 2013-14 Gilas Pilipinas team nga ning-qualify alang sa 2014 FIBA Basketball World Cup sa Spain.

Morepresentar sa iconic Gilas team mao sila si Larry Fonacier, LA Tenorio, Gary David, ug Jeff Chan.

“She’s such an inspiration, and her perspective is very different. You can see the purpose of what she wants to do,” matod ni SBP president Al Panlilio kabahin kang Gray.

“More importantly, being proud to be a Filipino and being high on Filipinos. She’s such a model for people to aspire, and do well, as a Filipina.”

Si Gray, kinsa usa ka Fil-Australian, maoy ikaupat nga Pinay nga midaog sa prestihiyusong titulo nga Miss Universe.

Nagtuo ang SBP nga dako ang matabang ni Grey aron ma-promote og insakto ang ang FIBA World Cup.