Naglungotlungot si Mexican Saul ‘Canelo” Alvarez sa iyang karibal nga si Gennadiy “Triple G” Golovkin hinungdan nga gusto niya kining pertiruhon sa hingpit ug kulatahon og maayo sa ilang trilogy karong Septiyembre 17, 2022 sa T-Mobile Arena sa Las Vegas, USA.
Ning awaya, bawon ni Alvarez ang napundong mga kalagot nga iyang nasinati sa nag-una nilang duha ka mga away.
Ang premirong away niresulta sa kontrobersyal nga panagtabla samtang nidaog si Alvarez pinaagi sa majority decision sa ikaduhang sangka.
Adunay mga higayon nga gisaway ni Golovkin si Alvarez nga talawan ug tikasan ug mao kini ang nakapalagot og maayo ni Alvarez.
“Honestly, he’s focused on GGG,” matod ni promoter Eddie Hearn kabahin kang Golovkin sa interbyu sa DAZN Boxing Show nga napatik sa www.boxingscene.com.
“This fight week is going to be electric because these guys [Canelo and Golovkin] can’t stand each other.”
Nidugang si Hearn nga sa iyang nakita, nagbukalbukal ang determinasyon ni Alvarez nga i-knockout si Golovkin.
“That’s his own words. The only thing he’s interested in is knocking this guy out and finishing his career,” dugang ni Hearn.