BIFF napatyan sa engkwentro

NAPATYAN ang grupo sa mga teroristang Bangsamoro Islamic Freedom Fighters (BIFF-Karialan faction) human ma-engkwentro ang kasundalohan alas 2:00 sa kaadlawon, Lunes, Agosto 29, 2022.

Ang napatay giila nga si alyas Kirad samtang usa sab ka sibilyan ang samdan human maigo sa mga saag nga bala nga si Utain Kalantungan, 46-anyos.

Gibutyag ni 601st Brigade Commander Colonel Oriel Pangcog nga samtang nagpatrolya ang mga sakop sa Joint Task Force Central sa Barangay Damablac, Talayan, Maguindanao Province, ilang nasugatan ang grupo nila Khadaffi Abdulatif alyas Kumander Abu Mukayam ug Andamel Abdulatif alyas Kumander Mac-Mac hinungdan nga nahitabo ang binakbakay sulod sa 15 minutos.

Sa dihang nilurang na ang pinusilay ug miatras na ang mga terorista, napalgan ang patay nga lawas ni alyas Kirad ug nakuha gikan sa posisyon niini ang usa ka improvised explosive device (IED), 2 ka 40 mm high explosive ug uban pa nga personbal nga kagamitan.

Combat clearing operation gilusad gilayon sa Joint Task Force Central batok sa mga teroristang ilang na-engkuwentro.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph