Dul-an sa duha ka tuig human sa pagpatuman niini sa rehiyon, ang Land Transportation Office (LTO) 7 nakatala og kapin sa 18,000 ka mga scholars nga nakabenepisyo sa libreng Theoretical Driving Course (TDC) nga gitanyag sa ahensya.
Kining dako nga gidaghanon sa mga scholarship nahimong posible sa ahensya taliwala sa mga pagdili nga dala sa pandemya sa miaging tuig ug sa grabeng bagyo nga miigo sa Sugbo niadtong Disyembre sa 2021.
Gibutyag ni LTO 7 Regional Director Victor Emmanuel Caindec nga niadtong Agusto 27, 2022, niabot na sa 18,573 ka mga scholarship ang na-release sa ahensya dul-an sa duha ka tuig sukad sa paglusad niini sa rehiyon niadtong Oktubre 2020.
“We are proud to say that as of year-to-date, we have released a total of 13,127 scholarships to the different parts of Central Visayas. This is in partnership with the different local government units,” matod ni Caindec.
Gibutyag usab sa direktor nga ang bulto sa maong mga scholarship gikan sa ilang programa nga “Malasakit on Wheels” pinaagi sa e-Patrol Mobile Service nga nagdala sa libreng TDC program ngadto sa lebel sa barangay.
“Just in Cebu City, we have conducted 25 different training sessions in the different barangays where we started in the mountain villages.”
Base sa Driver’s Education Center sa LTO, ang ahensya nagsilbi sa kinatibuk-ang 5,342 TDC scholarships niadtong 2021 ug 104 sa 2020 diin gilusad kini sa katapusang quarter sa tuig.
“When we saw the opportunity to partner with LGUs specifically with the barangays, we have received overwhelming requests from the different village chiefs because they also want to educate their drivers in terms of road safety and making sure that they have proper licenses and registrations,” dugang sa regional director.
Gawas sa Cebu City, ang e-Patrol nakabisita sa mga LGU sa San Remigio, Tabogon, Sogod, Borbon, Tabuelan, Boljoon, Oslob, Alcoy, Dalaguete, Samboan, Compostela, Tudela, Santander, Pinamungajan, Minglanilla, Naga City, Talisay City, ug Sta. Fe sa mga Isla sa Bantayan sa Probinsiya sa Sugbo. (gikan sa PR)