Mas gipahugtan pa sa GMA-7 ang ilang dominasyon sa Philippine television.
Kini human ang ilang higanteng adventure serye nga `Lolong’ niposte og combined (GMA and GTV) average number of more than 13 million viewers per episode base sa Nielsen Philippines’ TV Audience Measurement nga mao karoy “most watched TV show in the Philippines.”
“Grabe ang pag-angat ng career ngayon ni Ruru Madrid dahil sa Lolong,” pagkumpirmar ni GMA Vice President for Corporate Affairs and Communications Angel Javier Cruz dihang personal ning nahinabi sa Superbalita atol sa iyang pagbisita sa Sugbo niadtong Lunes, Agusto 29.
Matod ni Ms. Cruz nga daghan ang naka-relate sa `Lolong’ tungod kay nag-promote ni og mga maayong mithi sa pamilya, paghinigalaay ug kalikupan.
Bisan sa Kapuso Mall Shows ug festivals, ang ‘Lolong’ maoy crowd favorite labi na sa mga bata tungod sa ilang kahinam nga makita sa personal ang buayang karakter nga si ‘Dakila.’
Nakabihag usab sa televiewers ang tin-aw nga reception sa GTV diin makita ang replay sa ilang primetime teleserye ug ang digital channels nga Heart of Asia, Hallypop, I Heart Movies, ug DepEd TV nga swak sa panlasa sa masa.
‘NAGPARAMDAM’
Wala gi-deny ni Ms. Angel nga daghang mga artista ang “nagparamdam” kay gustong mobalhin o gusto nang magbalik-Kapuso.
Ang labing uwahi nga nibalik karon sa GMA ang kanhi Kapuso homegrown talent nga si Billy Crawford nga maoy mo-host sa upcoming game show nga “The Wall Philippines” nga co-production sa GMA ug Viva Entertainment Inc.
Kon mobalhinay ba sab sa GMA silang Boy Abunda ug Matteo Guidicelli nga maoy chika sa kaulohan, “Sana nga lumipat sila, soon,” pasiaw pa ni Ms. Angel nga daw dala tinuod.
Hinuon, iyang giklaro nga dili batasan sa GMA ang mokuha og talent kon wala silay proyekto nga ikahatag.
“Hindi naman kami ganoon na tanggap lang ng tanggap para lang sila lumipat. Tumatanggi kami kapag wala talaga kaming project para sa kanila.”
MGA TELESERYE
Ang gikahinamang feel-good seryeng ‘What We Could Be’ nag-world premiere na sa GMA Telebabad niadtong Lunes, Agusto 29 isip launching serye sa loveteam nilang Miguel Tanfelix ug Ysabel Ortega (kinsa sa tinuod nga kinabuhi anak sa actor-politician nga si Lito Lapid).
“Para itong segue nila sa `Voltes V: Legacy’ because they are also the lead cast of Voltes V, which is an adaptation of the hit Japanese anime series.”
Ang Voltes V ang usa sa mga pambato sa GMA sa 2023. Nagsugod sila sa ilang lock-in taping last year pa. Apan tungod sa health protocols ug special effects mao nga kinahanglan pang hashasan.
“Madugo ang editing. Because this is live action series. Bongga ang special effects,” esplika sa GMA Station Manager Ann Marie Tan nga maoy kauban ni Ms. Angel sa pakighimamat sa entertainment press atol sa usa ka paniudto sa Shangri-La Mactan.
“If there are no changes, we’re planning to bring the cast of Voltes V next year for the Sinulog.”
Ang lain pang giatngan sa Kapuso fans ang `Start-Up.Ph’ nga first K-drama adaptation ni Alden Richards ug isip labing unang teleserye ni Bea Alonzo sa GMA nga ipasalida hinapos ning tuiga.
Sa miaging semana ang Kapuso management nipirma og usa sa mga kinadak-ang bonuses atol sa ilang Collective Bargaining Agreement (CBA) sa employees union nga naghatag og dakong usbaw nga suweldo sa ilang mga rank and file nga P3,000 sa 2022 ug dugang P3,000 sa 2023, wa pa’y labot sa signing bonus ug ubang mga benepisyo.
Way duda nga panahon karon sa GMA isip kampiyon sa Philippine television.