Usa ka 69-anyos nga inahan gihapsan og atsa sa abaga sa iyang anak nga 37-anyos sulod sa ilang balay sa Barangay Ilihan, dakbayan sa Toledo kagahapon sa buntag, Agusto 31, 2022.
Si Lieutenant Jec Seares, deputy chief sa Toledo Police Station, niila sa biktima nga si Ambrosia Villarin, 69.
Matod ni Seares, ang biktima nagluto sa ilang pagkaon sa pamahaw pasado alas 5:00 sa buntag sa Miyerkules dihang ang iyang anak nga si Larry niduol ug nangayo og usa ka stick sa sigarilyo.
Dihang nibalibad ang inahan, si Larry nasuko ug gihapsan og atsa ang inahan. Laing anak nga lalaki ni Ambrosia daling nitabang kaniya.
Si Ambrosia gidala sa Barangay Ilihan health center ug gidakop sa kapulisan ang suspek sa ilang balay sa ala 8:00 sa buntag sa samang adlaw.
Ang suspek dunay deperensiya sa panghunahuna base sa pamahayag sa inahan.
Ang suspek posible nga mag-atubang og kasong attempted parricide.