Dear Papa Joe,
Patambag ta ko. Ako diay si George, 30 years old, usa ka baker. Duna koy narelasyon. Five months na mi pero ako siyang nasakpan nga may ka video chat. Di lang kay kaduha, kon di kadaghan na. Unya moingon siya nako na love ko niya pero ngano makig chat man siya og lain unya sweet pa gyud kaayo sila.
Siguro hugaw ang akong hunahuna ug tungod sa kalagot, ako siyang nadapatan ug natuok pero gibasulan nako kay ningitngit lang akong hunahuna. Karon makigbuwag na siya nako pero para nako nangita ra ni siya og bikil para magkabuwag mi. Unsaon man nako nga di siya makig buwag? Palihug tambagi ko.
GEORGE
George,
Pasensya na no, pero di gyud maayo imong gibuhat nga uyab pa gani mo, nanapat na ka. What if maminyo mo ug mograbe na hinuon ang imong pagpanapat. In fact, kuyaw gani makiha ka ug masolsolan sa mga ginikanan nga ikiha, aw, luoy ka ana.
Kon nahigugma ka niya tagai sa siya og time o kagawasan nga malipay. Usa pa, di mo minyo so di ka kabuot niya. Ang maayo ana mangayo ka og pasaylo hoping nga makasabot siya ug mahatagan ka og chance. Pero kon wa na, mao nay giingon nga give way na lang ka.
PAPA JOE
(sa inyong tampo ipadala lang sa papajoesuperb@gmail.com?)