Mitchell nagpasalamat sa Jazz

Usa ka adlaw human sa pormal nga pagbinayloay og player sa Utah Jazz ug Cleveland Cavaliers, ang sentro sa trade nga si NBA All Star Donovan Mitchell nagpasalamat sa iyang kanhi team nga maoy iyang giserbisyohan sa miaging lima ka mga tuig.

“Thank you for the memories and the incredible times... you guys watched me grow up on and off the floor... Coach Quin thank you for giving me the opportunity and trusting me to lead this team for the past 5 years!!️ Love,” suwat ni Mitchell sa iyang Instagram.

Ang Jazz ni-trade kang Mitchell ngadto sa Cavaliers bugti nilang Lauri Markkanen, 2022 14th pick Ochai Agbaji, Collin Sexton, three unprotected first-round picks ug two pick swaps.

Si Mitchell wala ni-request og trade sa ilang front office apan ang iyang pagbiya sa Jazz organization nag-ung-ong na human sa unang gi-trade si Rudy Gobert ngadto sa Minnesota Timberwolves .

Ang Utah opisyal nang nisugod sa pag-rebuild sa ilang team nga mao na karon ang naghupot sa 14 ka first round picks sa mosunod nga pito ka NBA drafts.

Ang Jazz ni-capitalize sa value nilang Gobert ug Mitchell ug daw giplano nang daan ni Danny Ainge, executive officer sa Jazz, sanglit pakyas sila pag-advance sa 2022 playoffs.

Ang Utah kanunay nga makaabot sa playoffs sa lima ka seasons ni Mitchell apan pakyas sila pag-advance sa Western Conference semifinals ug napukan sa first round sa niaging season diin sa ilang pangagpas nagkinahanglan sila og kausaban.

Si Mitchell nag-average og 25.9 points ug 4.2 rebounds sa miaging lima ka seasons.

Karon nga naa na siya sa Cavaliers, iyang ikatambayayong silang Darius Garland, Evan Mobley, Jarrett Allen ug Isaac Okoro diin ang Cavs gipanglantawan nga moilog na sa Eastern Conference’s top playoff spots.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph