Ang pagsul ob og face mask pabilin gihapong gimando sa dakbayan sa Lapu-Lapu.
Si Mayor Junard Chan, sa Sabado, Sept. 3, 2022, niingon nga wala pa siyay gipagawas nga executive order (EO) nga naghimong opsyonal nga magsul-ob og face masks sa mga open space sa siyudad.
Niadtong Miyerkules, Agusto 31, si Chan niingon nga iyang sagupon ang EO ni Cebu City Mayor Michael Rama, nga nagdeklarar sa pagsul-ob og face masks sulod sa territorial jurisdiction sa dakbayan nga “non-obligatory” kon siya makakuha og kopya niini.
Apan niadtong Biyernes, Septiyembre 2, siya niingon nga wala na siyay panahon sa pagpatawag sa iyang health team aron hisgotan ang maong butang tungod sa nagpadayong evaluation sa Department of the Interior and Local Government (DILG) alang sa Seal of Good Local Governance (SGLG) para sa piskal nga tuig 2022.
Ang Dakbayan sa Lapu-Lapu mao lamang ang dakbayan sa Central Visayas nga gihatagan sa DILG og SGLG alang sa performance niini niadtong 2018. Giila usab sa DILG ang Siyudad sa Good Financial Housekeeping niini niadtong 2021.
“We don’t have time to discuss the face mask. So the status quo remains the same,” matod niya.
Niadtong Huwebes, Sept. 1, una nang gipahibawo ni DILG Secretary Benhur Abalos Jr. nga uyon si Rama nga temporaryong hunongon ang implementasyon sa maong EO, nga giluwatan niadtong Miyerkules, apan mayor nanghimakak.
Si Abalos nipasalig nga dad-on kini niya ngadto sa Inter-Agency Task Force for the Management of Infectious Diseases alang sa deliberasyon ug misugyot nga himoong pilot area ang dakbayan sa Sugbo alang sa maong inisyatiba.
Giklaro ni Rama nga dili hingpit nga gitangtang sa EO 5 ang pagsul-ob og face mask sanglit mandatory pa kini sulod sa mga health facility, sama sa mga tambalanan ug mga klinika.
Gimandoan usab sa EO ang mga tawo nga adunay mga simtomas nga sama sa trangkaso nga magsul-ob og face mask kon mogawas.
Gitugotan usab niini ang mga establisemento, eskuylahan ug mga pampublikong sakyanan nga maghimo sa ilang kaugalingon nga mga palisiya kon tugutan ba ang opsyonal nga pagsul-ob.
Si Rama niingon usab nga makig-estorya siya sa iyang mga abogado aron hisgotan ang posibleng mga probisyon nga madugang sa kasamtangan nga EO aron kini mahiuyon sa nasudnong palisiya.
Niadtong Biyernes, ang Department of Health (DOH) nipadayag og kabalaka sa posibilidad nga magbutang og dili maayong sumbanan ang dakbayan sa Sugbo sa pagdumili sa pagsunod sa mga protocol nga gitakda sa Nasudnong Kagamhanan human gilibkas sa mayor ang mask mandate sa dakbayan.