Barrita: Hasta asin imported?

Barrita: Hasta asin imported?

Gusto gyud ang mga Filipino sa mga butang nga imported. Gikan sa mga sinina ug ubang mga gamit sa lawas, ngadto sa mga pagkaon. Kini bisan pa sa mga programa sa gobiyerno nga “Buy Filipino.” Apan wa ta masayod nga hasta ang asin nga atong gigamit imported na diay.

Naukay ang Sugar Regulatory Authority (SRA) tungod sa ilang import order sa 300,000 metriko toneladang asukar kay kuwang ang supply. Dunay shortage sa asukar. Apan giingong artificial kini tungod sa pagtago sa asukar sa pipila ka negosyente.

Gikan sa tam-is ngadto ta sa parat. Nagmata lang ta og buntag nga imported na diay ang asin nga atong gigamit sa pagtimpla sa atong mga pagkaon. Bisan kon usahay idili sa mga doktor, lami sab kaayo ang parat-parat sama sa hipon, amahong o ginamos.

* * *

Misinta sa kasuko ang usa ka mag-uuma kay pag-abot niya sa balay gikan nga nagdaro, ginamos ray sud-an. Laing bana giingnan sa iyang asawa nga papilion lang sa sud-an nga gitabonan sa nigo didto sa lamesa apan buwad ra diay sa pag-ukab pa niya. Nisinta siya sa kasuko. Apan kalma nga niingon ang asawa, “Pagpili lang, Dong. Mokaon ka o dili.”

Gibutyag sa Philippine Chamber of Agriculture and Food Inc. nga ang Pilipinas nag-import sa 93 porsyento o 550,000 ka metriko tonelada sa asin matag tuig gikan sa Australia ug China. Nganong nahitabo man kini nga ang Pilipinas duna may 36,000 ka kilometro nga kabaybayonan?

Nahinundom ko sa una nga ang among mga paryente sa Opao, Mandaue magdala og sinako nga asin kon moadto sila sa amo sa Cabadiangan. Ang komedya sa akong amahan nga may kaliwat mi nga asindero.

* * *

Sa tuig 1990, ang salt production sa Pilipinas maka-supply sa 85 porsyento sa panginahanglan sa asin tibuok nasod. Sa ato pa, 15 porsyento ra sa asin ang imported. Ang kadaghanan sa mga naghimo og asin nahimutang sa Bulacan, Pangasinan, Occidental Mindoro, Las Piñas City sa Metro Manila ug Cavite.

Nganong wa na sila maghimo og asin? Ang hinungdan mao nga nasira ang ilang salt farms kon asinan tungod sa climate change, karaan nga paagi sa salt production ug ang paghimo sa ilang mga asinan nga reclamation area, coastal road, fishpond ug residential ug commercial areas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph