Sa iyang pagbalik isip head coach sa Rain or Shine Elasto Painters, gipabuhagay ni Yeng Guiao ang iyang pagtuo nga dili na balanse ang kompetisyon sa Philippine Basketball Association (PBA).
Nagkanayon si Guiao nga alang sa usa ka independenteng team sama sa Elasto Painters, pik-on na og kalima ang kalisod nga makailog og korona gikan sa teams nga kontrolado sa SMC ug MVP group of companies.
Ang SMC adunay tulo ka teams sa PBA nga mao ang San Miguel Beermen, Brgy. Ginebra Gin Kings ug Magnolia Chicken Timplados Hotshots.
Hasta ang MVP, aduna say tulo ka teams sa liga nga mao ang TNT Tropang Giga, Meralco Bolts ug NLEX Road Warriors.
“The playing field is no longer even. Not just that, it’s not any more transparent what happens in the league. Horse trading na lang ang mangyayari pagdating sa mga players. Sila-sila na lang ang lumalakas,” matod ni Guiao nga napatik sa Spin.ph.
Ang nabungkag nga Alaska Aces maoy katapusang independenteng team nga nakadaog og kampyunato sa liga ug nahitabo kini niadto pang 2018.
“If you are a team with an honest and sincere desire to win a championship, how can you compete against the resources of these two groups?” pangutana ni Guiao.
Gipasabot ni Guiao nga ang dekalidad nga mga rookie, sa ngadto ngadto, mahitapon ra sa teams sa SMC ug MVP inig human sa kontrata niini sa ilang mother teams.
Gitataw ni Guiao nga dili matupngan sa independenteng teams ang mga tanyag sa SMC ug MVP groups.
“For example, si [Robert] Bolick ba makukuha namin ‘yan? Or si [Jamie] Malonzo? Hindi syempre. Mapupunta lahat sa San Miguel ‘yan. Instantly, they become stronger. Kami unfortunately, we have no means to do that,” dugang ni Guiao.
Sa panahom ni Guiao, bisan ang pag-abot na lang semi-finals grabe na kalisod alang sa independenteng teams ning panahuna.