Davao biz bureau: Mag-transact online

SunStar Davao file
SunStar Davao file

ANG Davao City Business Bureau nanawagan sa tanan nga mga kliyente niini sa pag-apply ug pagproseso sa ilang mga business permit ug lisensiya pinaagi sa online platforms sa opisina.

Kini subay sa direktiba gikan sa Anti-Red Tape Authority, ubos sa Republic Act No. 11032 kun "Ease of Doing Business and Efficient Government Service Delivery Act of 2018," nga nagmando sa hapsay nga paghatod sa serbisyo publiko ngadto sa katawhan pinaagi sa paggamit sa digital platforms ug automated system.

"We are available online for our business permit application and issuance. The client can apply and have the business permit printed at their own convenience," ingon ni Maribel Paguican, officer-in-charge sa Business Bureau’s Business Permits and Licensing Division, atol sa I-Speak media forum niadtong Huwebes.

Matud ni Paguican nga ang mga kliyente mahimo usab nga mo-apply og special ug occupational permit pinaagi sa ilang website.

Gikan sa Enero hangtud sa Hulyo ning tuiga, ang buhatan naka-renew sa kinatibuk-ang 40,371 ka business permits sa dakbayan nga mas taas kini sa 38,963 ka renewal nga gipagawas sa samang panahon sa miaging tuig. Mokabat sa 5,947 ka bag-ong business permit ang naaprobahan karong tuiga.

Si Paguican niingon nga mokabat sa 46,000 ka mga tag-iya og negusyo ang ni-apply og business permit sa miaging tuig, apan gibana-bana nga 6,000 niini ang wala molampos sa pagkuha og permit.

"Not all applications will be successful because applications will have to go through different offices, including the Bureau of Fire," ingon niya.

Mokabat sa 50,000 ka business permits (bag-o ug subject sa renewal) ang mahimong ma-issue sa dili pa matapos ang 2022. Kini tungod sa automated system nga gi-integrate sa mga operasyon sa opisina nga nagpahapsay ug paspas nga nagsubay sa adlaw-adlaw nga mga transaksyon sa negusyo.

Ang City Business Bureau nag-awhag usab sa mga trabahante sa gig app (e.g. Food Panda, Grab riders) sa pag-apply alang sa business permit imbes sa occupational permit tungod kay gikonsiderar sila nga freelance/contractual service providers. Ubos sa City Ordinance No. 0612-21 series of 2021, ang mga trabahante sa gig app angayan sa pag-isyu og business permit sa mas ubos nga bayrunon.

Alang sa pag-proseso sa business permits online, visit: https://appbts.davaocity.gov.ph/.

Sa special permits, click: https://specialpermit.davaocity.gov.ph/.

Sa occupational permits, go to: https://occupationalpermit.davaocity.gov.ph/. (Jeepy P. Compio/City Information Office)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph