NALUYA pipila ka segundos ang usa ka ex-police dihang gipakuryentehan sa legal wife aron makuhaan kini og ebedensiya sa pagpatong niini nga hubo ngadto sa hubo sab nga kabit sud sa usa ka motel sa Brgy. Angliongto, Davao City, pasado alas 8 sa gabii, Septyembre 7, 2022.
Sa impormasyon nga nahipos sa SuperBalita Davao gikan sa mga kasaligan nga impormante ug subay sa mga mikatag nga hulagway sa social media, nasayran nga ang ex-police nagpatong pa sa kabit ibabaw sa kama gikan sa ilang pagpa-ulbo ulbo sa habol nga puti.
Una niini, nangayog pakitabang ang legal wife ngadto sa kapulisan sa Sasa Police Station 4 ubos sa Davao City Police Office aron ubanan kini nga aktuhon ang bana sud sa kuwarto.
Higayon sab nga wala diay nasirhan sa ex-police ang pultahan sa kuwarto sa motel, hinungdang nga nakasulod ang legal wife.
Giingon nga sa dihang pagsulod sa legal wife sa kuwarto, perteng kurata sa ex-police nganong nakasulod sila, ug wala na kini kalihok samtang nagpatong sa kabit.
Gilayong gipitik sa legal wife ang dala niini nga pangkuryente, ug naluya ang ex-police, hinungdan nga gikuhaan kini og ebedensiya alang sa pagpasaka og kasong Concubinage ug Republic Act 9262 kon Violence Against Women and their Children (VAWC) ngadto sa lalaki
didto sa korte.
Ning kasamtangan ang duruha gipangpaslak sa selda sa Sasa Police Station 4. (SuperBalita Davao)