Nag-antos ka ba sa tumang kagul-anan?

Ang nag-unang telemedicine provider nga KonsultaMD nipalapad sa ilang chat features nga naglakip sa free mental health support alang sa Filipinos nga nag-antos sa stress, anxiety, ug ubang mental illnesses.

Kini nakig-alayon sa Mental Health Matters, gitukod ni celebrity ug philanthropist Kylie Verzosa, alang sa dugang serbisyo sa KonsultaChat.

Ang organisasyon nagpataas sa kahibalo bahin sa mental health issues ug naghatag og luwas nga espasyo ngadto sa naapektohan niini.

Sa maong kolaborasyon, daghang batan-on nga walay igong pundo o opurtunidad sa propesiyonal nga tabang, ang makahimo na sa pakighinabi sa licensed psychologists sa seguro ug tago nga chat window online 24/7.

“We want to serve those looking for accessible mental health care options as the world opens up and everyone .." matod ni Cholo Tagaysay, chief executive officer sa KonsultaMD.

Sayo sa miaging tuig, ang KonsultaMD nagsugod sa ilang kampanya sa online video consultations uban sa licensed psychologists sa pagtabang sa pagsulbad sa kaso sa mental health sa Pilipinas.

Ang tumong sa KonsultaMD sa paghimo sa nasod sa labing accessible healthcare platform nga moabot sa bag-ong ang-ang pinaagi sa paglusad sa KonsultaChat, aternatibo sa pagpakighinabi sa medical professionals.

Kini naghatag sa kustomer sa pag-chat sa medical doctor sa tanang panahon, bisan asa sa presyo nga P399 matag konsultasyon.

Ang telemedicine provider nitaho nga ang konsultasyon nitubo og kapin sa 2,000 percent, samtang ang mga doktor nga onboard sa platform, misaka sa 1,600 percent atol sa pandemiya.

Sa pagkakaron, kini dunay usa ka milyon nga miyembro sa tibuok nasod.

Ang KonsultaMD usa ka portfolio company sa Globe’s corporate venture builder 917Ventures. (PR)