Mopatuman ang Cebu-Cordova Link Expressway (CCLEX) sa full contactless toll payment sugod sa Oktubre 1, 2022, tulo ka semana gikan karon, Septiyembre 12, 2022.
Ang maong lakang gitumong sa pagpalambo sa kasinatian sa mga motorista ug nagpasabot usab kini nga ang nabiling CCLEX cash lanes himuon nga exclusive radio-frequency identification (RFID) lanes.
Ang CCLEX dunay 10 ka toll lanes, upat niini ang modawat og cash sa pag-atiman sa mga motorista nga wala pa makakuha og RFID tags sa ilang sakyanan.
“Our transition to full contact less toll payment is aimed at providing a more efficient expressway experience to our road users and afford them ease of travel,” matod ni Allan G. Alfon, presidente ug general manager sa Cebu-Cordova Link Expressway Corporation (CCLEC).
Ang CCLEX nagsugod sa pasiunang pipila ka expressway’s toll booths sa RFID-enabled lanes niadtong Hulyo 1.
Human sa tulo ka semana nga nahibilin, ipatuman na ang CCLEX’s full electronic toll collection system, ang CCLEX niawhag sa mga motorista nga nakakuha na og RFID sa pag-reload sa ilang accounts online pinaagi sa MPT DriveHub, ang ‘all-in-one travel companion app.’
Alang sa mga motorista nga nagamit pa sa cash lanes, ang CCLEC niawhag sa pagkuha na og RFID alang sa mas paspas ug seamless drive.
RFID RELOADING
Ang MPT DriveHub app makuha nga libre sa Google Play Store and App Store.
Ang mga motorista maka-install niini sa https://qrco.de/DriveHubPR-1 aron sayon sa pagsubay sa ilang RFID account ug reload in real time via debit o credit card, Maya, ug ubang loading services.
Ang pag-link sa CCLEX RFID account ngadto sa app mas hapsay ug sayon sa mga motorista sa pag-scan sa QR code sa RFID card sa pagrehistro.
Ang OTP (one time pin) verification gipasabot usab pinaagi sa pag-send niini sa text, dili email, aron sayon ang pagproseso.
Gawas sa MPT DriveHub app, ang mga motorista maka-reload usab sa ilang CCLEX RFID sa CCLEX customer service centers sa Toll Plaza.
Abli kini gikan sa alas 6:00 sa buntag ngadto alas 9:00 sa gabii, Lunes hangtod sa Sabado sa tibuok buwan sa Septiyenbre.
WALK-IN RFID
Sa mga motorista nga walay RFID, maka-schedule sa ilang installation pinaagi sa pagsulod sa cclex.com.ph ug i-click ang register button.
Ang walk-ins dawaton sa customer service centers nga nahimutang sa duha ka habig sa duol sa CCLEX Toll Plaza, ug offsite installation stations sa Anjo World Theme Park sa Minglanilla ug Landers Superstore sa Cebu City.
Ang CCLEX, gikonsidertar sa pagkakaron nga labing habog ug taas nga bridgeway structure sa nasod, usa ka proyekto sa CCLEC, uban sa local government units sa Cebu City ug Municipality of Cordova.
Ang maong taytayan gitumong sa pagpaluag sa trapiko sa metro ug gipaabot nga moabli sa dugang socio-economic development sa lalawigan, sumala sa pagtuon sa University of San Carlos. (PR)