Angara mangulo sa naturalization nilang Brownlee, Oliver

Senador Sonny A­­ngara. (File photo)
Senador Sonny A­­ngara. (File photo)

Aron masustenir ang kalambuan sa Gilas Pilipinas, nagkanayon si Senador Sonny Angara nga andam niyang pangulohan ang pag-file og bills alang sa naturalization sa imports sa Philippine Basketball Association (PBA) nga sila si Justin Brownlee ug Cameron Oliver.

Si Angara, kinsa maoy tsirman sa Samahang Basketbol ng Pilipinas (SBP), maoy nangulo sa naturalization nila ni Gilas reinforcements Andray Blatche ug Ange Kouame kaniadto.

Gipasabot ni Angara nga kinahanglang magpalig-on og maayo ang national team hilabi na nga co-host ang Pilipinas sa 2023 FIBA World Cup kauban ang Japan ug Indonesia.

“We have a very unique opportunity to shine before a worldwide audience when we host the Fiba World Cup in August next year. As hosts we have already qualified for the prestigious tournament and we have a solid foundation for our Gilas Pilipinas squad,” batbat ni Angara nga napatik sa Spin.ph.

Gikinahanglan kini sa Gilas gumikan kay dili sa tanang higayon puwedeng makaduwa sa team si National Basketball Association (NBA) Fil-Am star Jordan Clarkson.

Bisan adunay dugong Pinoy si Clarkson apan wala siya natugtan sa FIBA nga moduwa sa Gilas isip local player tungod kay wala man kini nakakuha og Philippine passport sa wala pa kini nipatong sa 16 anyos.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph