Ang JCI Cebu nakadawat og pasidungog sa 2022 Quadro Awards atol sa 42nd Area Conference nga gipahigayon sa Samar State University Gymnasium sa dakbayan sa Catbalogan, Samar niadtong Septiyembre 3, 2022.
Ang JCI Cebu giila nga “best of the best local organization in Visayas” ug niani usab sa ka 17 Major Awards, 3 ka Merit Awards ug 12 ka nominations nga tanan niabot og 32 ka awards.
Dugang pa, si JCI Member Daegie Montermoso maoy giproklamar nga kampiyon sa Public Speaking Competition.
Upat ka JCI Cebu members gihatagan og award nga Presidential Award of Leadership Excellence. Sila si Area Skills Development Director Daryl Nino Jabil, Area Communications Director Mark Anthony Abellana, Area Chair for Junior Jaycees Dan John Caballero, ug JCI member Ronald Ray Enselada.
Gawas sa Best of the Best Local Organization, si JCI Cebu President Jacques Ian David Estola gihatagan og award isip Best of the Best Local Organization President, tali sa 35 ka local organization presidents sa Visayas.
“Thank you to everyone who supported us this year. This is our tribute to you all, especially to the community we have served. Thank you JCI Cebu brothers old and young for all your efforts, making it always BIG and being always GAME to this challenging year,” matod ni Estola.
Ang Quadro Awards usa ka tinuig nga awarding ceremony sa JCI chapters sa Visayas nga nag-ila sa paningkamot sa local chapters sa pag-organisar og mga proyekto. (PR)