Ang mosunod mao ang mga sikat nga Filipino celebrity nga paryente sa tinuod nga kinabuhi. Atong suwayan og subay ang ilang kaliwatan nga tingali karon pa lang sab ninyo mahibaw-an.
Champ Lui Pio ug Nonoy Tan
Siguradong maihap ra ang nasayud nga ang guitarist-vocalist sa bandang `Hale’ nga si Champ anak ni Nonoy Tan, ang bandleader-vocalist sa sikat nga bandang “Wadab” niadtong 1970s. Si Nonoy Tan o Arturo Lui-Pio sa tinuod nga pangan mao ang nag-composed sa classic OPM hits nga `My Love Will See You Through’ ug `Always’ (Marco Sison), ‘You Made Me Live Again’ (Janet Basco), ug ‘Pag Tumatagal Lalong Tumitibay’ (Wadab).
ZsaZsa Padilla, Amy Perez ug Lorna Tolentino
Mag-first cousin sila kay ang mommy Esperanza ni ZsaZsa, mommy Eloisa ni Lorna, ug ang daddy ni Amy Perez managsuon. Si ZsaZsa ug si anhing Rudy Fernandez paryente sab kay ang daddy ni ZsaZsa nga si Carlos Padilla Jr. pag-umangkon sa mommy ni Rudy.
Rudy Fernandez ug Robin Padilla
Mag-first cousin si anhing Rudy Fernandez ug Robin Padilla kay ang mommy ni Rudy nga si Pilar Padilla igsuon sa daddy ni Robin Padilla nga si Roy Padilla kinsa igsuon sab sa lolo ni ZsaZsa Padilla nga si Carlos Padilla Sr. Nahug nga pag-umangkon ni Roy ang daddy ni ZsaZsa. Sa ato pa tig-unsa man nilang Robin ug Rommel Padilla si ZsaZsa ug tig-unsa man sab ni Daniel Padila si Karylle? (Libog no!?)
Maja Salvador ug Janella Salvador
Si Janella pag-umangkon ni Maja kay ang papa ni Maja nga si Ross Rival anak ni Lou Salvador Jr. kinsa mao say amahan ni Philip Salvador. Samtang ang singer nga si Juan Miguel Salvador nga maoy amahan ni Janella apo na sa igsuon ni Lou.
Eula Valdez ug Paolo Ballesteros
Ang lola ni Paolo Ballesteros ug ang mommy ni Eula managsuon mao nga iyaan sa Eat Bulaga host ang beteranang aktres.
Sophie Albert ug ex-president Cory Aquino
Ang Kapuso actress nga si Sophie Albert nitug-an sa `Tunay na Buhay’ nga iyang lola si kanhi Presidente Corazon Aquino kay ang mommy sa iyang daddy ug si Cory managsuon. Sa ato pa iyaan niya silang Kris Aquino ug Mikee Cojuangco. Ang papa ni Mikee nga si Peping manghod ni Cory Aquino.
Nadine Samonte ug Isabel Rivas
Ugangan sa Starstruck graduate nga si Nadine Samonte ang beteranang aktres human siya nakasal sa anak niini nga si Richard Chua niadtong 2013.
Marco Gumabao ug Gretchen Fullido
Ig-agaw sab silang Marco ug Gretchen kay ang daddy sa aktor nga si Dennis Roldan ug ang mommy ni Gretchen managsuon.