GIPANLIMBASUGAN karon nga giduso ni Davao City First Representative Paolo "Pulong" Duterte aron maaprobahan sa Kongreso ang pagmuntar og dugang tulo ka mga branch sa Municipal Trial Court in Cities (MTCCs) sa 11th Judicial Region ngari sa Davao City.
“The said piece of legislation will eventually declog second-level courts, particularly the Regional Trial Courts. In response to this judicial innovation, there is an immediate need to increase the number of first-level courts, namely: Metropolitan Trial Court (MeTC), MTCC, Municipal Trial Courts (MTC), and the Municipal Circuit Trial Courts (MCTC),” suma sa pamahayag.
Usa sa labing katuyoan sa House Bill No. 3272 aron nga mahatagan og pagtagad ang mga kaso ug mapaspasan ang dagan sa mga paghukom aron nga daling makab-ot ang hustisya, kini kon mas dunay daghang lawak alang sa pagtaral sa mga kaso.
Nasayran nga ang House Bill No. 3272 aprobado na sa committee level sa Lower House.
Niining kasamtangan, ang Davao City adunay pito lamang ka mga branch sa MTCC, apan upat lamang niini ang maapil sa mga raffled cases tungod kay ang usa niini gihimong Environmental Court.
Nasayran sab nga ang presiding judge sa usa ka branch nagtrabaho isip executive judge nga may mga dugang administrative duties ug obligasyon samtang ang usa ka branch temporaryong naka abeyance tungod sa kadaghan na sa ilang kaso nga miabot nag 1,500 cases.
Dugang nasayran nga niining tunga sa tuig palang sa 2022 niabot na sa 6,693 cases ang nahatag sa mga branches, diin walay apil niini ang duha ka mga branch nga naka-lockdown.
Sa panahon nga maaprobahan sa Senado ug sa House of Representatives ang HB 3272, iapil na dayon kini sa Chief Justice sa Supreme Court ug sa Secretary sa Department of Justice diha sa court program aron nga mapatuman sa hingpit.