Nibahad ang bantugang YouTuber nga nahimong boksidor nga si Jake Paul nga iyang palukapahon si kanhi UFC middleweight world champion Anderson Silva sa ilang panagsangka karong Oktubre 29, 2022 sa Gila River Arena sa Arizona, USA.

Si Paul, kinsa adunay 5-0, 4KOs nga rekord, niangkon nga iyang idolo si Silva sukad pa sa iyang pagkabata ug kanunay siyang nagsunod sa mga away niini sa mixed martial arts.

Apan sa umaabot nilang panagharong, dili siya magpanuko sa pag-knockout sa iyang idolo.

“I signed up for the hardest sport in the world and I love it. That’s what I’m built for, and I love a challenge. I grew up idolizing Silva,” batbat ni Paul sa pre-fight press conference sa ilang away nga napatik sa www.gmanews.tv.

Bisan nag-edad na si Silva og 47, aduna gihapon kini ikabuga isip usa ka boksidor.

Niretiro si Silva sa MMA sa miaging tuig aron magtutok sa boksing diin aduna siya’y rekord nga 3-1, 2KOs.

“If my opponent is a d—head, I’m going to treat him like a d—head and beat his ass. But I respect this man, I’m still going to knock him out, but respectfully knock him out,” dugang batbat ni Paul.