Alang ni 2022 US Open Girls Singles champion Filipina Alex Eala, ang mahimong usa ka inspirasyon usa na ka kalampusan nga sama mismo sa kadaugan.

“I just want to be someone people can look up to, not just young girls, but anyone, really,” matod sa 17 anyos nga tennis sensation sa Pilipinas nga napatik sa Spin.ph.

Subay niini, nagkanayon si Eala nga gikan sa iyang pagkabata, nikuha na siya og inspirasyon gikan kang Filipino boxing legend Manny Pacquiao.

“I grew up looking up to Manny Pacquaio, watching his matches,” batbat ni Eala, kinsa maoy labing unang tennister sa Pilipinas nga nidaog sa Singles Grand Slam.

Si Pacquiao usa sa mga prominenteng mga tawo sa Pilipinas nga ningpahalipay ni Eala human sa kalampusan niini sa Amerika niadtong Septiyembre 11, 2022.

“I wanted to be someone like that, someone who inspires others with their hard word — as a person, really, and not just as an athlete,” dugang ni Eala.

Ang tinguha ni Eala, kon buot hunahunaon, iya nang nakab-ot niini pa lang puntoha sa batan-on niyang karera.