CCTV rekisitos sa negusyo sa Consolacion

File photo
File photo

Gimando karon sa Kagamhanan sa lungsod sa Consolacion ang pag-muntar og mga closed-circuit television (CCTV) system sa tanang business establishments ug pampublikong lugar sa lungsod alang sa kahapsay ug kaluwasan sa mga namuyo ug mobisita sa lugar.

Kini subay sa giaprubahang Resolusyon no. 258 S.2022 sa Konseho alang sa pagpatuman sa ordinansa sa lungsod nga nagtangag og liboan nga multa alang sa mga mosupak.

Base sa lagda, gikinahanglan nga momuntar og CCTV ang mga establisimento sama sa mga banko, money changers, pawnshop, pharmacy, gasoline station, restaurant, convenience stores, grocery stores, merkado, internet shops, movie house ug uban pang establisimento nga dunay kapital nga moabot sa P2 milyunes.

Paagi kini nga mapasayon ang pagtuki ug pagdakop sa kapulisan ug sa lokal nga kagamhanan sa mga suspek sa kriminalidad ingon ang mga insidente sa lungsod.

“...in order to intensify the Municipality’s drive to deter, prevent, detect, and solve criminality, and to preserve video recording as evidence, this August Body deems it proper to require the use of CCTV systems in business establishments within the Municipality of Consolacion,” tipik sa lagda.

Gawas sa naasoy nga ordinansa, gimando usab ang pagmuntar og CCTV sa mga gikonsiderar sa kapulisan nga ‘high-risk’ areas diin anaa makita ang kinabag-an sa mga konstituwente.

Subay niini, gimando usab ang kanunay nga pag on sa mga CCTV systems ug kinahanglan usab nga mahisubay sa technical specifications sa lagda.

Gitugot hinuon ang usa lang ka unit saCCTV systemapan kinahanglan nga duna kini upat ka cameras nga high-definition analog o ba kaha 2 megapixel digital camera.

Human sa unom ka buwan gikan sa pagpatuman sa maong lagda, dili na mo renew o mohatag og business permit o permit to operate ang lokal nga kagamhanan sa mga tigpatigayon.

Ang dili motuman sa maong ordinansa, pamultahon og moabot P1,500 hangtod sa P2,500 sa uwahing kalapasan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph