File Photo
File Photo

Mga tunghaan sa Talisay padayon sa face mask policy

Ipadayon gihapon ang pagpasul-ob sa mga tinun-an, lakip na sa mga magtutudlo sa Dakbayan sa Talisay, sa face masks.

Kini maoy gitataw sa Department of Education (DepEd) sa dakbayan sa Talisay bisan sa kamandoan ni Presidente Ferdinand Marcos Jr. nga naghimong optional sa pagsul-ob sa face masks.

Si Rosario Dioko, School Governance and Operations chief sa DepEd Talisay City Division, nibutyag nga mosunod sila sa giluwatan nga executive order sa Presidente apan kon anaa man gani sa mga lawak saringan ang mga tinun-an ug mga magtutudlo, gikinahanglan gihapon ang pagsul-ob og face mask.

Sa kasamtangan ang kamanduan nga ila una nga gisunod sa pagkakaron mao ang kamanduan sa probinsya sa Sugbo.

Ang ilang gipatuman nga mao usab ang giuyonan ni Dr. Lino Alanzado, pangulo sa City Heath Office.

Matud ni Alanzado nga ang maong buhat usa kini ka proteksyon sa matag estudyante ug magtutudlo sa pagsul-ob sa face mask aron malikayan ang pagtakod sa mga sakit labina sa coronavirus disease 2019 (Covid-19).

Sa kasamtangan, ang Siyudad sa Talisay nipatuman sa tulo ka adlaw nga limited face-to-face nga klase ug duha ka adlaw nga modular learning ubos sa pagpatuman sa minimum health standards.

Ang kamandoan usab ni Marcos nagtugot lang sa di pagsul-ob og face masks sa gawas ug minos og mga tawo nga dapit, apan naa gihapon ang face mask sa indoor, sama sa mga classroom.

Related Stories

No stories found.
SunStar Publishing Inc.
www.sunstar.com.ph