Nakig-alayon ang Globe uban sa Bankers Association of the Philippines (BAP) aron makaestablisar og cooperation framework para sa intelligence ug data-sharing alang sa cybersecurity nga ang tinguha niini pagbatok sa mga pagpangilad online.
Usa ka Memorandum of Understanding (MOU) ang gipirmahan sa Presidente ug CEO sa Globe Group nga si Ernest Cu ug BAP President Antonio Moncupa Jr. niadtong Agusto 4, 2022. Kauban sila si Globe Chief Information Security Officer nga si Anton Bonifacio, Globe Chief Privacy Officer Irish Salandanan-Almeida, BAP Cybersecurity Committee Chairman Eugene Acevedo ug BAP Managing Director Benjamin Castillo.
Sukad sa pagkaestablisar niini adtong March 1949, aduna nay 45 ka mga miyembro nga bangko ang BAP, lakip na ang 21 ka local banks ug 24 ka foreign branches.
Sa maong kasabutan, ang BAP maoy moawhag sa mga miyembro nga bangko nga makig-alayon sa Globe sa pagtubag sa padayon nga pagsaka ug pagkakomplikado sa financial crimes, pagpangawat og identidad, phishing, spam sa SMS ug ubang matang sa pagpangilad online dala sa pagsaka sa digital adoption sa katawhan.
Ang mga pagpangilad online nakaapekto sa mga konsumidor ug sa mga stakeholder sa financial, telecommunications, e-commerce ug uban pang mga industriya.
“The MOU with BAP will pave the way for Globe and the BAP member-banks to share data and intelligence for enhanced fraud detection and prevention. This will reduce limitations and streamline the collaborative process while ensuring compliance with the Data Privacy Act of the Philippines,” matod ni Cu.
“We are pleased to enter into this partnership with Globe — one that would enhance the banking industry’s collective efforts in preventing cybercrime,” matod ni Antonio C. Moncupa. “This MOU will add to the measures we have in taking down cybercriminals and holding them accountable for their actions.”
Sa wala pa ang maong kasabotan, dugay na ang Globe sa padayon nga pakig-alayon niini sa mga bangko ug online retailers alang sa direkta ug dali nga pag-report, pag-imbestigar ug pagpakgang sa mga malisyosong kalihukan.
Sa unang unom ka bulan sa tuig 2022, ang anti-spam ug security protocol sa Globe malampuson nga nipugong sa kapin 138 milyunes nga spam messages, sobra 9 milyunessages ug 1,119 ka spam voice calls.
Sukad pa niadtong 2014, ang Globe nagsugod na pud sa paghimo sa kapabilidad sa cybersecurity aron nga mapugngan ang pag-atake ug hulga sa imprastraktura niini alang sa pagpanalipod sa mga customer. Aduna kini 24/7 nga security operations center ug 100 ka mga kawani sa opisina aron mo-detect dayon sa mga attack o breaches subay sa walay hunong nga pagbatok niini sa mga cyber threat.
Aduna pa kini #StopSPAM portal alang sa incident report ug cyber safety educational materials. Padayon pud ang kompaniya sa pagpatuman sa #MakeITsafePH campaign ug Digital Thumbprint Program (DTP) niini alang sa paghatag og kasayoran bahin sa responsable nga digital citizenship.
Kabahin usab sa digitalization journey sa nasud, tinguha sa Bangko Sentral ng Pilipinas (BSP) ang makabig ang 50 porsiyento sa tibuok nga retail transaction volume paingon sa pag gamit og electronic channels sa tuig 2023 ilalom sa Digital Payments Transformation Roadmap.
Sa miaging tuig, ang Bangko Sentral malampuson nga gipasaka sa 30.3 porsiyento ang bahin sa digital payments sa kinatibuk-an nga retail transactions gikan sa 20.1 porsiyento niadtong tuig 2020 ug 1 porsiyento lamang kaniadtong 2013.
Alang sa dugang kasayuran ug impormasyon bahin niini, bisitaha ang www.globe.com.ph. (PR)