Sundalo nga nangihi gitodas

Hulagway iya sa Parang Municipal Police Station
Hulagway iya sa Parang Municipal Police Station

PADAYON karong giila ang suspek nga nagpusil patay sa sundalo samtang nangihi daplin sa baybayon ala 1:00 sa kaadlawon, Lunes, Septyembre 19, 2022, sa Parang, Maguindanao Province.

Giila ang biktima nga si Corporal Al Muiz Dima, nadestino sa Intelligence and Security Unit sa Philippine Army Intelligence Regiment ug nagpuyo sa Barangay Magsaysay, Parang.

Gibutyag ni Maguindanao Provincial Police Office Director Colonel Roel Sermese nga nigawas sa ilang balay si Dima kay mangihi unta niadtong higayona daplin sa dagat sa dihang kalit ang mibutho ang duha ka wala mailhing tawo ug nagpusil kaniya.

Dali sab dayong miikyas ang mga suspek sakay sa motorsiklo paingon sa direksiyon sa Cotabato City.

Samtang daling gisapupo ang biktima ug gihatud sa iyang pamilya ngadto sa Parang District Hospital apan gideklara siyang dead on arrival human nakaangkon og mga samad pinusilan sa nagkadaiyang parte sa lawas.

Dako ang pagtuo sa pamilya sa biktima nga posibleng dunay kalabutan sa trabaho niini ang hinungdan sa pagpatay kaniya.

Apan kapulisan sa Parang Municipal Police Station padayon pang nagsubay sa hitabo aron nga matumbok ang tinuod nga motibo sa pagpatay sa biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph