GISUGDAN na karong bulana ang pagpanghatag sa Unconditional Cash Transfer (UCT) Social Pension cash cards alang sa mga benepisyaryo sa nagkalain-laing munisipyo sa tibuok Davao Region.
Kini nga cash card, gikan sa Landbank of the Philippines (LBP), mamahimong magamit aron makuha sa mga benepisyaryo ang cash grant nga ihatag ilalom sa programa.
Sa kasamtangan, gina-verify na sa mga social workers ang mga rekisitos nga gipasa sa mga senior citizen beneficiaries sama sa Enrollment and Claim Form gikan sa LBP nga naay 2x2 ID picture ug photocopy sa ilang valid ID kung kini kompleto ug mitugma sa nahatag na masterlist gikan pa niadtong 2018-2020 una mahatag ang nahisgutang cash card.
Sa wala pa makadawat niini, mamahimong motunol sa mga barangay o munisipyo kabahin sa gipanaug nga eskedyul sa cash card distribution sa inyong lugar.
Ang UCT usa ka three-year program sa DSWD nga adunay tumong nga pagpanalipod ug pagpaayo sa kinabuhi sa mga kabus pinaagi sa paghatag og cash subsidy ilalom sa Train Law. (JPC/DSWD Davao Region)