GISUBLI og pagpasabot sa Davao City Covid-19 Task Force ang ilang panawagan sa mga senior citizens ug persons with comorbidities nga magpa-booster shots alang sa dugang proteksiyon batok sa pag-grabe sa sakit nga mahimong moresulta sa kamatayon.
Kini ang gibutyag ni Davao City Covid-19 Task Force spokesperson Dr. Michelle Schlosser sa 87.5 FM Davao City Disaster Radio (DCDR).
"The Vaccination Cluster is emphasizing the need for seniors and those in the vulnerable sector (immunocompromised and persons with comorbidities) to get their booster shots. The data is showing us it's not enough to just be fully vaccinated."
Sa miaging 36 morbidity week, labing menos 11 sa 19 nga namatay ang mga senior citizens, lakip ang unom nga nakadawat na sa two-dose primary series, apan wala'y bisan unsang booster shot. Ang laing lima wala mabakunahan, suma sa report.
"Sa atong mga senior citizens, immunocompromised, please avail of your boosters kay kamo gyud dunay pinaka-highest number of deaths," ingon ni Schlosser.
Matud sa opisyal, ang mga pagtuon nagpakita nga ang pagka-epektibo sa mga bakuna sa Covid-19 mikunhod pagkahuman sa unom ka bulan, hinungdan nga kinahanglan ang mga booster. Ang ubang naandang mga bakuna alang sa mga bata ug mga hamtong kinahanglan usab nga madawat matag karon ug unya sama sa mga bakuna sa trangkaso nga ginakuha kada tuig samtang ang mga regular nga bakuna sa mga bata aduna usab mga booster.
Ang fully-boostered seniors ug persons with comorbidities kung nataptan sa Covid-19, kasagarang magpakita og mild symptoms samtang ang uban sa ubang mga grupo sa edad wala'y mga simtomas. Sa duha nga mga kaso, dili kinahanglan ang pagpa-ospital.
Ang Vaccination Cluster mitaho atol sa Davao City Covid-19 Task Force meeting niadtong Lunes, Septyembre 19, nga ang Davao City nakatala og kinatibuk-ang 1,361,872 ka first dose vaccinations niadtong Septyembre 16, nga 102.60 porsiyento sa target nga populasyon nga 1,327,323 (80 porsiyento sa kinatibuk-ang populasyon).
Ang ikaduhang dose sa pagbakuna anaa sa 100.94 porsiyento (1,339,776) sa target nga populasyon.
Samtang sa 1,339,776 nga nakakuha sa ilang unang doses, 311,993 o 43.37 porsiyento ang nakadawat sa ilang unang booster shots. Apan 9.02 porsiyento ra o 64,915 ang nakakuha sa ilang ikaduhang booster jabs.
Sa grupo sa edad sa populasyon nga A2 (senior citizen), 41.93 porsyento (35,395) lamang sa 107,775 nga hingpit nga nabakunahan ang nakakuha sa ilang unang mga booster. Niini, 13.87 porsiyento lamang (11,706) ang nakakuha sa ilang ikaduhang boosters. Ang target nga populasyon alang sa mga tigulang mao ang 144,196.
Ang booster rollout ubos usab sa 18 ngadto sa 59-anyos sa 51.47 percent (271,704) - first booster, 10.08 percent (53,207) second booster gikan sa 845,411 target population; ug 12-17 anyos - 4.59 porsiyento (4,894) unang booster gikan sa 149,332 ka target nga populasyon.
Pangitaa ang operational vaccination site nga duol sa inyong dapita. (Uban sa taho sa City Information Office)