Mga tag-iya sa floating, fixed cottages sa Cordova hatagan og financial aid

TUBIG: Tubig sa fire hydrants itagana lang sa pagkumbati sa sunog ug dili sa ubang gamit niini. / tampo
TUBIG: Tubig sa fire hydrants itagana lang sa pagkumbati sa sunog ug dili sa ubang gamit niini. / tampo

Mohatag og tag P10,000 nga pinansyal nga ayuda sa Kagamhanan sa Lalawigan sa Sugbo ang mga operator ug tag-iyang maapektohan sa demolisyon ug pagkahunong sa panginabuhian sa kadagatan ug baybayon sa lungsod sa Cordova.

Kini maoy gipahibalo ni Cebu Governor Gwendolyn Garcia atol sa tigom sa owners ug operators sa cottages.

Subay sa mando niining pag demolish sa mga illegal nga estruktura sa lugar, gitagalan sila hangtod sa Oktubre 5, 2022 sa pagguba niini.

Apan aron mahatagan og alibyo ang apektadong owners ug operators, dunay giandam nga pinansyal nga ayuda ang Kagamhanan sa Probinsya sa Sugbo ingon man ang kagamhanan sa lungsod alang kanila.

Moabot sa 73 ka mga nanag-iya sa floating cottages ug 54 ka mga tag-iya sa fixed cottages ang apektado sa pagguba.

Duna say 16 ka mga nanag-iya sa mga tindahan sa port area sa Bantayan Bay sa Barangay Poblacion ang naapektohan nga makadawat og tag P10,000.

Samtang ang 147 ka operators sa bangka nga apektado, makadawat usab og P5,000 nga tugbangan sa lokal nga Kagamhanan sa Cordova.

Kadtong mga nanag-iya nga boluntaryong miguba sa ilang cottages ug stalls, makadawat usab og Sugbo Negosyo Cards nga mobalor og P10,000. Makuha kini sa partner merchants sa Kapitolyo aron sila makasugod sa pag negosyo.

Tagsa ka sakong bugas usab ang madawat sa tanang apektadong stakeholders, P5,000 alang sa cottage owners ug tag P2,000 alang sa boat operators.

Una nang niluwat og Executive Order no. 19 ug EO No. 25 si Garcia sa pagpahunong sa operasyon sa fixed ug floating cottages sa lugar tungod sa taas nga level sa fecal coliform ug paglapas sa Water Code of the Philippines, Water Code of the Province of Cebu, Philippine Clean Water Act of 2004, Sanitation Code of the Philippines ug Tourism Act of 2009.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph