Samtang nagka-mahal ang gasolina ug mga nag-unang palaliton, misipa sab og midaghan ang mga ekspertong mangingilad o scammers aron mabira ang imong sapi.
Ayaw intawon pailad!
Kining mosunod maoy mga warning signs kon ikaw gisuwayan pag-scam o bodol.
Sulod sa 15 minutos ninyong pagkukabildo, segihan ka ini niya og dayeg nga puros positibo o nindot sama sa ‘successful kaayo ka sa imong trabaho, angay ka himuong modelo kay maayo nimong napadako imong mga anak, mi-sexy lagi ka og samot nga nagka-edad.’
Sunod nga timailhan kay mokalit lang og tawag o chat nimo bisag di mo close o dugay na mong wa magkita. Pasabot naa ni tuyo unya kasagarang tuyo manghuwam og kwarta ang ending.
Kadaghan nako buhati ini kay maniid ra man ni sila sa imong mga posts sa social media unya kon makita nila nga maayo imong kahimtang o pagkabutang, targiton dayon ka ini nila sugod pagpangumusta unya lakbit estorya hantod mangayo og donasyon.
Laing timailhan ang kalit nga pagkausab sa batasan o kinaiya. Kon kaniadto di managad, hilas o maldita, karon namaayo na ang tinagdan. Ayuhan ka og liko-liko og estorya hangtod nga makuha nila ilang gusto.
Ang uban sab nga mangingilad kusog manggamit sa pangalan sa dunay titulo, artista o politiko para ma impress ka. Gamitan ka og pulong sama sa ‘invest ta ini kay mao ni gigamit karon sa mga dato ug sikat nga artista unya ang ginansiya ini doblihon og pilo. Ang ending madani ka pag-invest kay nadala sa tam-is nga dila.
Duna say ubang mangingilad nga magpaka-aron ingnon nga kunuhay nabalaka nimo labi na kon bag-o kang na heart broken o nasakit. Sakyan dayon ni nila ang oportunidad nga ikaw emotionally unstable kay dali man ka makakuot sa bulsa kon naay maminaw nimo.
Paluoy effect sab ang strategy sa uban unya maghilakhilak pa para maka-huwam og kwarta (wa nay makaon ang mga anak o putlanan na sa kuryente).
Hinumdumi naa nimo ang pagtabang unya ikaw sab ang magbuot kon pila ug unsa imong mahatag/itabang, di sila.