NEW YORK - Nagtinguha nga “ipaila og balik ang Pilipinas” sa kalibutan, si Presidente Ferdinand Marcos Jr. dunay ambisyusong mga plano alang sa nasod - kana kon ang duha ka mga hulga sa pandemic ug climate change iyang malabang o mapaminusan ang epekto.
Kon siya makabuntog sa mga kabilin sa duha ka mga tawo: ang iyang gisundan, ug ang iyang amahan.
Gusto usab niya nga palig-unon ang relasyon tali sa Estados Unidos ug China - usa ka delikado nga pagbalanse nga buhat alang sa nasud sa Southeast Asia - ug, sama sa kadaghanan sa iyang mga kaubang lider sa United Nations karong semanaha, nanawagan sa mga nasud nga maoy hinungdan sa pag-init sa kalibutan aron matabangan ang dili kaayo adunahan nga mga nasud sa pagsukol sa mga epekto niini.
Si Marcos naghimo na og mga kalainan tali sa iyang kaugalingon ug sa iyang gisundan, si kanhi Presidente Rodrigo Duterte, kinsa nibuwag sa daghang internasyonal nga mga kauban tungod sa iyang bangis nga paagi sa pagpakigbatok sa drug trafficking.
Sa dihang gipangutana kon si Duterte milapas ba sa iyang makamatay nga drug crackdown, gipatipas ni Marcos ang pagsaway ngadto sa mga naghimo sa plano.
“His people went too far sometimes,” sulti ni Marcos sa The Associated Press. “We have seen many cases where policemen, other operatives, some were just shady characters that we didn’t quite know where they came from and who they were working for. But now we’ve gone after them.”
Si Marcos, 65, milingkod alang sa usa ka halapad nga interbyu sa New York sa sideline sa tinuig nga miting sa mga lider sa General Assembly sa U.N. Tulo ka bulan sa iyang administrasyon, ingon sa sa abtik ug madasigon - ug naghinam-hinam nga ipakita ang iyang panan-aw alang sa nasud lagbas sa mga utlanan niini.
Kaniadtong Huwebes, nakigkita siya kang US President Joe Biden sa tinguha nga palig-unon ang usahay komplikadong mga relasyon nga mihinay tali sa duha ka mga nasod sukad ang Pilipinas nigugol og upat ka mga dekada isip kolonya sa Amerika sa unang bahin sa ika-20 nga siglo.
“There have been bits and pieces where they were not perhaps ideal,” matod ni Marcos. “But in the end, that overall trajectory has been to strengthen and strengthen and strengthen our relationship.” (AP)