ANG Department of Social Welfare and Development (DSWD-Davao), pinaagi sa Centenarian program, kasamtangang nag-award sa katapusang batch sa cash gifts sa mga centenarians sa tibuok Davao Region sugod Septyembre 22 hangtud Septyembre 30, 2022.
Ang paghatag og cash gifts nagtumong sa pagpasidungog ug pag-ila sa kabilin sa mga centenarians, taas nga kinabuhi, ug paghupot sa pinasidunggang mga mithi ug tradisyon.
"Our lolos and lolas inculcate to our families the good values and tradition that has been passed on to generations," sulti ni Centenarian focal, Ms. Hesed S. Lim dungan sa pagpasalamat sa pamilya sa mga benepisyaryo nga centenarians diha sa pag-amuna og maayo sa nasampit nga mga edaran.
Ang DSWD-Davao nagsugod sa paghatag sa katapusang batch sa centenarians nga adunay lima ka mga awardees gikan sa Davao City, 2 sa Davao Oriental, 6 sa Davao del Sur, 3 sa Davao de Oro, ug 1 sa Davao del Norte.
Ang DSWD Centenarian Program gidumala ubos sa RA 10868 kun nailhan nga "Centenarian Act of 2016," nga nagpasidungog ug naghatag og dugang nga mga benepisyo ug mga pribilihiyo sa mga Filipino centenarians ug nagsilbi sa ubang mga katuyoan.
Ang nasudnong kagamhanan mohatag sa qualifying beneficiary ug centenarian monetary present sa kantidad nga P100,000. (Uban sa taho sa DSWD-Davao)