GIBUTYAG sa Department of Health-Davao Region (DOH-Davao) niadtong Septyembre 23, 2022, nga ang rehiyon wala pa makaabot sa target nga 70 porsiyento nga herd immunity batok sa Covid-19.

Gisulti ni DOH-Davao vaccination team head Dr. Janis Olavides atol sa media forum nga ang Davao Region naa pa 86.7 porsiyento nga vaccination rate sa gitarget nga 70 porsiyento.

Kaparehas kini ngadto sa 3,294,161 milyon nga fully vaccinated batok sa Covid-19 base sa DOH-Davao vaccine statistics sukad Septyembre 19. Dunay gibanabana nga kuwang nga 500,000 aron nga maabot ang target nga 3,796,830 milyon alang sa herd immunity.

"What we want to see is 100 percent of the 70 percent target. So gamay na lang man, pero gusto gihapon nato... We are pushing. We wanted by 2022 na sana (hopefully), na-reach na nato ang 70 percent," padayag ni Olavides.

Tanang mga probinsiya sa rehiyon, naglakip sa Davao City, dunay fully vaccinated nga kapin sa tunga sa ilang target nga populasyon. Apan ang Davao City lang ang dunay "coverage" nga kampin sa 100 porsiyento nga vaccination rate nga 1,336,929 nga 100 fully vaccinated nga mga tawo sa target population nga 1,327,323.

Ang Davao Oriental dunay ikaduhang pinakataas nga "coverage" uban ang 87.7 porsiyento o 369,582 fully vaccinated sa target nga 421,316 target, gisundan sa Davao del Norte nga 84.1 porsiyento o 629,285 fully vaccinated sa target nga 747,915 nga populasyon.

Ang ubang mga probinsiya dunay ubos sa 80 porsiyento nga "coverage". Davao de Oro naa sa 76.2 porsiyento uban ang 416,018 fully vaccinated sa target nga 545,915, gisundan sa Davao Occidental nga naa sa 73.5 porsiyento nga coverage uban ang 176,466 fully vaccinated sa 240,190 target population, ug Davao del Sur nga dunay 71.2 porsiyento nga coverage uban ang 365,881 sa 514,171.

Gisulti ni Olavides nga duna pa'y daghan ang wala mabakunahi nga mga bata nga apil sa population group nga singko hangtud sa 11 anyos kon diin moabot lang sa 32.6 porsiyento sa maong grupo nabakunahan sa rehiyon.

"It's only Davao Occidental and Davao Oriental who have reached more than 50 percent but the rest of the provinces, even Davao City, wala pa gyud kaabot og 50 percent," tug-an niya.