Nagsugod ang mga bag-ong opurtunidad nga magbenepisyo sa nasod ug mga Filipino.
Kini ang pamahayag ni Presidente Ferdinand “Bongbong” Marcos Jr. sa iyang pag-abot sa nasod gikan sa U.S. kagahapon sa buntag, Septiyembre 25, 2022,
Gitumbok niya ang pagbisita sa United States (US) alang sa 77th session sa United Nations General Assembly (UNGA).
Matod ni Marcos, nagpaabot siya og mga “maayong balita” sa mga misunod nga buwan bahin sa plano sa daghang kompaniya sa US nga mopalapad sa ilang negosyo sa nasod.
Kini human sa iyang pagpakigtagbo sa daghang business leaders gikan sa nagkalainlaign kompaniya sa US atol sa iyang pagbisita.
Ang Philippine delegation sa pagpangulo ni Marcos nag-host sa roundtable discussions uban sa upat ka chief executive officers nga naglambigit sa key economic sectors, sama sa Information Technology ug Business Process Management, digital infrastructure, global brands labi na sa garments and apparel, ug industry and infrastructure.
“And all of them committed to be a part of our development and economic growth. Together, we will be working on addressing some of our key economic challenges, particularly once again climate change, food security, energy security, to name but a few,” matod ni Marcos.
Si Marcos nipaambit usab sa iyang bisyon sa umaabot ug unsa kaimportante sa pagtubag sa nag-unang mga hagit nga nagbabag sa kalamboan sa ekonomiya sa nasod atol sa pagbisita sa New York Stock Exchange ug Philippine Economic Briefing sa institutional investors, senior corporate executives, fund managers ug entrepreneurs.
“My final stop before returning home last night was with the Asia Society, where I had a roundtable discussion with a select group of leaders of the US business community on the state of the global and regional economy today. After the discussion, I delivered a public lecture, where I shared my views on the opportunities, the threats, and challenges facing Asia and the United States, Asia Pacific Region and all our neighboring countries today,” matod ni Marcos.
Dugang niya, “..the time to invest in the Philippines is no longer just some time in the future, it is now.”(SunStar Philippines)