Gimandoan ni Cebu Governor Gwendolyn Garcia ang tanang lokal nga kagamhanan sa pagpahigayon og reassessment sa mga real estate properties niini.
Kini subay sa giluwatang lagda Executive Order (EO) No. 37 ni Garcia sa Septiyembre 23, 2022 nga nagmando sa tanang local goverment units (LGUs) sa pagpahigayon og assessment, issuance, cancellation ug reissuance sa tax declarations sa real estates sa mga hurisdiksyon niini pagsiguro nga masusi kon nagtungtong sa patas ug current market value ang mga luna.
“Some of these real properties and improvements have not been assessed of its current and fair market values nor issued the corresponding tax declarations due to their land classification as part of timberlands, forest lands, wilderness areas, or no build zones,” gisaysay sa lagda ni Garcia.
Gidirektahan niini ang tanan nga municipal ug city assessors sa pagsusi sa gisakopang luna sa gobiyerno.
“Once assessment has been made, the Municipal Assessor shall issue the corresponding tax declaration to the declared owner indicating therein that the issuance thereof does not necessarily vest ownership rights over the said property,” tipik nga mabasa sa EO.
“The Municipal Assessors shall issue tax declarations to the transferees thereof regardless of the land classification of the said property as part of timberlands, forest lands, wilderness areas, or no build zones only for the purposes of real property tax assessment,” dugang sa lagda ni Garcia.
Sukad nga nahibalik si Garcia sa Kapitolyo sa 2019, nalakip sa top priorities niini ang pagbawi sa mga luna ug properties nga gipanag-iya sa probinsya ug pag-reappraise sa market value sa real properties sa Kapitolyo.
Hinungdan nga nagpadayon ang pagsaka sa equity ug assets sa Sugbo, diin ginganlan kini isip labing dato nga probinsya sa Sugbo.
Sa 2021 sa ika-pitong higayon, nakab-ot sa Probinsya ang pasidungog isip labing dato human nakab-ot niini ang moabot sa P213,005,750,000 nga balor sa assets niini subay sa uwahing report sa Commission on Audit (COA) sa 2020 Annual Financial Report for LGUs.