39 nga nasikop sa NBI tungod sa e-sabong mipyansa, gibuhian

Photo from NBI-Central Visayas
Photo from NBI-Central Visayas

Gibuhian sa National Bureau of Investigation Central Visayas Regional Office (NBI-Cevro 7) ang 39 ka mga tawo nga nadakpan tungod sa giingong pag-operate og e-sabong sa lungsod sa Minglanilla, habagatang Sugbo, sa miaging semana .

Si NBI-Cevro 7 Regional Director Rennan Oliva nitug-an sa SunStar Cebu niadtong Lunes, Septiyembre 26, 2022, nga human sa operasyon, wala silay laing natala nga ilegal nga operasyon sa e-sabong sa rehiyon.

Ang ahensya ni-raid gamit ang search warrant nga giisyu ni Judge Grace Veloso-Fernandez sa Regional Trial Court Branch 19 sa dakbayan sa Sugbo sa Amenic N’ Calajoan Cockpit mga alas 6 sa gabii sa Septiyembre 16.

Ang nasikop mao sila si Carlos Uy Gothong III, nailhan usab nga Jun Gothong, ug Sergio Santos Lu, alyas Dong Dong Ong, nga giingong tag-iya sa Amenic N’ Calajoan Cockpit, ug ilang 37 ka mga trabahante.

Gipasakaan sila og kasong kalapasan sa Republic Act 10175 o ang Cybercrime Prevention Act of 2012, ug Presidential Decree 449, o ang Cockfighting Law of 1974.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph