Apo Agua mipasalig suplay sa tubig sa Davao City mobongga

TARGET karon sa Apo Agua Infrastructura, Inc. (Apo Agua) nga sa unang kuwarter sa tuig 2023 mahatud na ang kusog nga suplay sa tubig ngadto sa mga Dabawenyos.

Kini human nga sa pagpuli sa Apo Agua, mas gipakusgan ang trabaho alang sa pagtukod sa P12-bilyon nga Davao City Bulk Water Supply Project (DCBWSP), ang mga residente sa Davao gilauman nga makabenepisyo sa bag-o ug malungtarong tinubdan sa tubig sa unang quarter sa 2023.

Subay sa press release sa Apo Agua, ang DCBWSP sa Davao City Water District (DCWD) maoy labing una sa maong matang sa nasud. Gidisenyo kini sa pagsunod sa konsepto sa water-energy nexus, diin ang renewable energy mamugna pinaagi sa integrated hydroelectric power plant.

Uban niining state-of-the-art nga landmark nga proyekto, ang Davao City aduna nay access sa duha ka surface water gikan sa Tamugan river, ug sa kasamtangang ground well nga tinubdan niini.

Ang DCBWSP nakasugat og mga kapakyasan sa panahon sa pandemya, nga gidugangan sa ubang mga internal contributing factors. Bisan pa, ang tukma sa panahon nga interbensiyon sa Apo Agua pinaagi sa pagkontrol sa mga kalihokan sa pagtukod, gikinahanglan aron maminusan ang mga epekto niini.

"Despite on-going difficulties in the transition, the project has resumed construction across civil, mechanical, and electrical works in all areas, including road restoration along the Treated Water Pipeline. We have spent the last month completing the takeover of the works from our previous contractor, gaining possession of critical materials and equipment, and mobilizing key construction contractors on site," ingon ni Apo Agua president Anna Lu.

Gipalihok na sa Apo Agua ang daghang mga batid nga kontraktor ug ang mga trabaho gilauman nga anaa kini sa full capacity sa Oktubre 2022.

"The project is being fast-tracked by hiring a team of experienced construction management professionals. In addition to this, various contractors with credible track records in bulk water facilities and large-scale complex projects have been engaged in order to implement as many parallel activities as possible," dugang ni Lu.

Aron maseguro ang kalidad sa tubig, ang "testing" ug "commissioning" niini himuon dungan sa mga buhat sa konstruksiyon aron mapadali ang pagkompleto sa proyekto.

Ang usa ka pagsulay sa matag usa sa mga kagamitan maoy gikinahanglan aron maseguro ang ilang kalig-on ug taas nga panahon nga magdugay diha sa paghatag sa luwas nga tubig nga mainom diha sa operasyon niini nga anaa sa mga 30 ka tuig.

Nasayran nga ang suplay sa Distrito II madugangan pag-ayo sa DCBWSP nga maghatod sa kapin "two-thirds" sa produksiyon niini ngadto sa mga reservoir sa DCWD sa maong dapit.

Ang paghatod sa tubig ngadto sa DCWD gilauman nga magsugod sa unang quarter sa 2023 diha sa Tugbok, ubos sa ilang pagdawat, ug progresibong mosaka ngadto sa mga dapit sa Cabantian, Mandug, Calinan, Talandang, Indangan, Panacan, ug Dumoy, sa ikaduhang quarter sa 2023.