Tambagi ko Noy Kulas: Giabuso

Dear Noy Kulas,

Maayong adlaw kanimo. Tawga lang ko og Noeme. Kining akong problema nagsugod ni dihang bata pa ko.

Naa koy cousin nga lalaki nga maguwang nako og six years. Daghan ang naka admire ani niya kay gwapo. Pero wa sila kahibawo sa tinud-anay nga nature kay mo judge gud ta based sa dagway, di sa tinuod nga batasan.

Since 12 years old pa ko, gi-abused na ko sa akong cousin. Iya ning buhaton kon wa ang akong parents sa balay ug kami rang duha ang nahabilin. I thought okay ra to kay bata pa ko, duwa-duwa lang tong amo kay wa pay involved nga contact, kutob ra sa romance. But while nagkadugay naka realize ko nga abuse na ang iyang gibuhat sa akoa.

Mao to ka usa ana ako na siyang gibalibaran kay di na man mao ang iyang gibuhat gud. Tinuod way penetration but makahikap siya nako bisan asa. Kon wa pa ko nisukol ug ni-refuse, duna untay mahitabo namo. Ambot unsay effect sa akoa, grabe tingali kay pag 20 years old nako diha pa ko naka boyfriend. Tan-aw nako, hugaw kaayo ko. Ang naka bother nako karon kay gusto sa akong BF magpakasal na mi kay nisaad siya nga wa mi physical contact until marriage. But ang akong teen experience maoy naka bother nako og maayo until now. Galisod ko og move on. Unsay imong ikatambag, Noy Kulas? Daghang salamat.

NOEME

Noeme,

Dunay mga kasinatian or experience nato sa bata pa kita nga lisod kuhaon sa atoang kaugalingon kay kita man gud, giporma ang atoang pagkatawo sa dihang mga bata pa kita. Dunay mga maanindot nga kasinatian ug dunay bati. Dunay mga hitabo nga traumatic, labina sa imong kasinatian uban sa imong ig-agaw.

Usa sa mga hinungdan niini, ang trauma. Unya gikinahanglan ang process niini aron ka makalingkawas sa psychological effect sa mao nga kasinatian. Unya, dawata nga nahitabo to nimo apan wala na karon. Nahitabo kadto nga di nimo tinuyoan ug nga ikaw biktima. Kon gusto kang ikiha ang imong cousin no matter what, then buhata bisan pag magubot ang inyong pamilya. Apan kon di ka gusto, agi og counselling alang sa imong healing. See a counselor aron ka matabangan sa imong healing.

NOY KULAS

rojval69@yahoo.com