TINGKAGOL na sa prisohan ang usa ka 64-anyos nga lolo human giingong gun-runner sa area sa Panabo City ug mga kasikbit nga para barangay sa dapit.
Kini human nga nasikop ang suspek nga si alyas Waldo, residente sa Purok 4, Barangay Mabunao, Siyudad sa Panabo.
Sa impormasyon gikan sa Criminal Investigation and Detection Group (CIDG) Davao del Norte Field Unit pinaagi sa provincial officer, Police Lieutenant Colonel Milgrace Cajes Driz, nasayran nga ilang gilusad ang Search Warrant No. 23-2022 Biyernes sa buntag, Septyembre 30 nga malampusong pagkasikop sa suspek.
Matud sa dinakpan nga kanhi miyembro sa Citizen Armed Force Geographical Unit (Cafgu) nga siya ang gitahasan sa pag-monitor sa pagdaghan sa loose firearms sa Davao del Norte ug mga silingang probinsiya, ug aktibo sab kuno siya sa pagpamaligya og loose firearms sa Davao Region.
Tulo ka .45 nga pistola, usa ka shotgun, usa ka Jolen gun ug mga nagkadaiyang buhing bala ang nakuha gikan sa posisyon sa dinakpan kinsa tanggong karon sa selda sa awtoridad sa Panabo.