Siyam ka mga suspetsadong usher ug operator sa ilegal nga swertres nagpunsisok sa prisohan sa Lungsod sa Balamban human sila nasikop sa usa lang ka adlaw nga operasyon niadtong Septiyembre 28,2022.
Ang Balamban Police Station ug mga operatiba sa Provincial Intelligence Unit (PIU) sa Cebu Police Provincial Office (CPPO) buwag nga niimplimentar sa pagpangdakop niining ilegal nga sugal.
Si Police Liutenant Colonel Glenn Hife, hepe sa Balamban Police Station, maoy nangu sa operasyon, nga niresulta sa pagkasikop sa lima ka mga tawo.
Ang mga nadakpan giilang sila si Maricris Son Catayas, 32; Flora Jane Plumo Tabasa, 29; pulos taga Barangay, Vito; Jay-fer Am-is Mapa, 40; taga Barangay Alicaway; Mario Sabalande Herbito, 48, nga taga Barangay Nangka; ug Daniel Ligan Vendeflor, 42, alyas Judas, taga Barangay Baliwagan.
Samtang laing upat ka giingong mga nalambigit sa ilegal nga swertres nasikop usab sa PIU.
Ang operasyon gipangulohan ni Police Lieutenant Vicente Chavez, team leader sa PIU-CPPO.